នៅថ្ងៃឈប់សម្រាកចុងសប្តាហ៍ មនុស្សមួយចំនួនចូលចិត្តណាត់គ្នាដើរលេងជាមួយមិត្តភក្តិ ឬជាលក្ខណៈគ្រួសារ ខណៈមនុស្សមួយចំនួនទៀត ចូលចិត្តសម្រាកនៅផ្ទះ ធ្វើអ្វីដែលពួកគេចូលចិត្ត ដូចជាតាមដានរឿងភាគជាដើម។
មិនខុសគ្នាប៉ុន្មាននោះទេ ស្ត្រីជនជាតិចិនម្នាក់ បានជ្រើសរើសយកការសម្រាកនៅផ្ទះ ហើយមើលរឿងភាគចិនដែលនាងចូលចិត្ត។
ប៉ុន្តែដោយសារតែការជក់មើលរឿងភាគចិនខ្លាំងពេក នាងត្រូវបានជំងឺដាច់សរសៃឈាមក្នុងភ្នែកវាយប្រហារ បន្ទាប់ពីនាងបានមើលរឿងចិនរហូតដល់ ៧០ភាគ ក្នុងរយៈពេលត្រឹមតែ ១អាទិត្យប៉ុណ្ណោះ ដោយមួយភាគៗ មានរយៈពេលប្រហែល ៤៥នាទី។
កាលពីពេលថ្មីៗនេះ ប្រទេសចិនបានប្រារព្ធពិធីបុណ្យជាតិរបស់ខ្លួននៅដើមខែតុលានេះ ជាហេតុធ្វើឲ្យស្ត្រីចិនម្នាក់ឈ្មោះ Ting មានពេលឈប់សម្រាកនៅផ្ទះ និងមើលរឿងភាគដ៏ល្បីរបស់ចិនមានឈ្មោះថា The Story of Yanxi Palace។
នាងជក់មើលរឿងរហូត ដល់ថ្នាក់បានសម្រាកតែបន្តិចបន្តួចប៉ុណ្ណោះ រហូតដល់នាងមើលវាចប់ត្រឹមតែរយៈពេល ៧អាទិត្យប៉ុណ្ណោះ។ បន្ទាប់ពីបញ្ចប់រឿងភាគ ភ្នែកខាងឆ្វេងរបស់នាង មានសភាពព្រិល ហើយនាងមិនអាចមើលឃើញអ្វីសោះ ដូច្នេះនាងក៏ស្វែងរកការព្យាបាល។
ទោះយ៉ាងណា ការស្វែងរកការព្យាបាលនោះមិនជោគជ័យទេ ហើយទីបំផុតនាងកើតជំងឺដាច់សរសៃឈាមក្នុងភ្នែក (Eye stroke)។
សូមបញ្ជាក់ថា ជំងឺនេះកើតឡើងនៅពេលដែលមានការរាំងស្ទះ ឬកាត់បន្ថយនៃលំហូរឈាមទៅកានប្រព័ន្ធប្រសាទភ្នែក៕ សុភ័ក្ត្រ
ប្រភព៖ Goodtimes
