ខេត្តព្រះសីហនុ ៖ អភិបាលនៃគណៈអភិបាលខេត្តព្រះសីហនុ ឯកឧត្តម យន្ត មីន មានប្រសាសន៍កាលពីសៀលថ្ងៃទី១៦ ខែតុលា ឆ្នាំ២០១៨ថា ក្រុមកាយរិទ្ធិកម្ពុជាខេត្តព្រះសីហនុ បានរួមចំណែកក្នុងការកសាង និងអភិវឌ្ឍន៍ខេត្តឲ្យមានការរីកចម្រើន ជាពិសេសបានជួយការងារស្មគ្រ័ចិត្តក្នុងកិច្ចការងារសង្គម។
ក្នុងនោះ ក៏បានចូលរួមធ្វើការងារមិត្ត អប់រំមិត្ត នៅតាមសាលាគោលដៅនានា ពិសេសបានជួយបណ្តុះបណ្តាល ដល់សមាជិកកាយរិទ្ធិ ឲ្យមានក្រមសីលធម៌ គោរពវិន័យ ដើម្បីក្លាយខ្លួនជាកូនល្អ សិស្សល្អ និងជាទំពាំងស្នងឬស្សីក្នុងការងារកសាង និងអភិវឌ្ឍន៍ប្រទេសជាតិថែមទៀត។
ឯកឧត្តម យន្ត មីន ឲ្យដឹងដូច្នេះ ធ្វើឡើងនៅក្នុងកិច្ចប្រជុំបូកសរុបការងារកាយរិទ្ឋិកម្ពុជាខេត្តព្រះសីហនុ ប្រចាំឆ្នាំ២០១៧- ២០១៨ នៅសាលាខេត្តព្រះសីហនុ៕ ដោយ ៖ ដែនសីមា
