ចោរវ័យក្មេងអាយុម្នាក់ ត្រូវបានចាប់ខ្លួនកាលពីម្សិលមិញ បន្ទាប់ពីបានវាយប្លន់បុរសវ័យពាក់កណ្តាលអាយុម្នាក់យ៉ាងសាហាវ នៅក្នុងបន្ទប់ទឹកនៃផ្សារទំនើប Bangkapi នៅក្នុងប្រទេសថៃ -ទីកន្លែងដែលហេតុការណ៍ដ៏រន្ធត់នេះត្រូវបានថតដោយអ្នកឡើងផ្សារម្នាក់ ។
ប៉ូលីសបានបញ្ចេញឲ្យដឹងថា ចោរដៃដល់មានឈ្មោះថា Chuchart Kaewsiram អាយុ ២២ ឆ្នាំ ។ ចំណែកជនរងគ្រោះមានឈ្មោះ Nuttakarn Feungkajorn អាយុ ៤៤ ឆ្នាំ ។
នៅក្នុងវីដេអូនៃហេតុការណ៍នេះ Chuchart អាចត្រូវបានឃើញវាយប្រហារទៅលើ Nuttakarn ជាមួយព្រនុងដែកមួយប្រភេទ ខណៈគាត់កំពុងអង្គុយនៅលើកម្រាល ព្យាយាមឱបជើងរបស់ Chuchart និងស្រែកសុំអង្វរចោររូបនេះឲ្យឈប់ធ្វើបាបខ្លួនទៀតទៅ ។
Nuttakarn អាចត្រូវបានលឺនិយាយអង្វរថា៖ «ជួយខ្ញុំផង! ជួយខ្ញុំផង… គាត់យកកាបូបរបស់ខ្ញុំហើយ!» ។
ភ្លាមៗនោះ Chuchart ត្រូវបានឃាត់ខ្លួនដោយសន្តិសុខផ្សារ និងក្រោយមក ប្រគល់ខ្លួនឲ្យប៉ូលីសដែលបាននិយាយថា មុនពេលកើតហេតុ Chuchart រូបគេចូលទៅកាន់កាប់ក្នុងបន្ទប់ទឹកផ្នែកបុរស ស្ថិតនៅជាន់ទី៣ និងបន្ទាប់មក ក៏បានវាយប្រហារ Nuttakarn នៅពេលគាត់ចូលមកប្រើប្រាស់បង្គន់ ។
យោងតាម Spring News ប៉ូលីសនិយាយថា Nuttakarn បានរងរបួសឈាមហូរស្រោចក្បាល និងរបួសជាច្រើនទៀត នៅលើពាសពេញដងខ្លួនរបស់គាត់ ។
Chuchart បានសារភាពចំពោះការប្រព្រឹត្តដ៏ធ្ងន់ធ្ងរនេះរបស់ខ្លួន ដោយនិយាយថា រូបគេបានវាយ Nuttakarn ប្រហែល ១០ ដង មុនពេលរត់ចេញជាមួយកាបូបរបស់គាត់ ។
ទោះយ៉ាងណា Chuchart ត្រូវបានចោទប្រកាន់ជាមួយអំពើបង្ករបួសស្នាម និងប្លន់ ៕
ដោយ៖ ឧត្តម
ប្រភព៖ Coconuts