កំពង់ស្ពឺ ៖ លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានស្នើដល់មន្ត្រីនគរបាល ផ្ដល់សេវាបម្រើប្រជាពលរដ្ឋបានល្អ និងរហ័សអាចទទួលយកបាន ជាពិសេសនូវមានចំណុចខ្វះខាតមួយចំនួនតូច ដែលចាំបាច់ត្រូវតែធ្វើការកែលម្អ និងកែប្រែផ្លាស់ប្ដូរចោល នៅទម្លាប់ដែលធ្វើឲ្យកិច្ចការចូលរួម អនុវត្ដនូវគោលនយោបាយ ភូមិឃុំមានសុវត្ថិភាព ។
លោកឧត្ដមសេនីយ៍ទោ សម សាមួន ស្នងការនគរបាលខេត្ត នាព្រឹកថៃ្ងអង្គារ ទី១៦ ខែតុលា ឆ្នាំ២០១៨ នៅសាលប្រជុំស្នងការដ្ឋាននគរបាលខេត្ដកំពង់ស្ពឺ បើកកិច្ចប្រជុំត្រួតពិនិត្យការអនុវត្ដ របស់ប៉ុស្ដិ៍នគបាលរដ្ឋបាលទូទាំង ៨៧ (ឃុំ.សង្កាត់) ចំណុះ អធិការដ្ឋាននគរបាលក្រុង.ស្រុក ។
បន្ទាប់ពីបានស្ដាប់របាយការណ៍ និងការចូលរួមយោបល់បំពេញបន្ថែម ដោយលោក អធិការ លោក នាយប៉ុស្ដិ៍ និងលោកស្នងការរង ទទួលបន្ទុករួចមក លោកឧត្ដមសេនីយ៍ស្នងការ បានធ្វើការកត់សម្គាល់ និងបានលើកសរសើរ អំពីកិច្ចខិតខំ ដែលបងប្អូននគរបាលនៅមូលដ្ឋានបានបំពេញភារកិច្ច និងផ្ដល់សេវាបម្រើប្រជាពលរដ្ឋបានល្អ និងរហ័សអាចទទួលយកបាន។
លោកបានបន្ថែមថា ទន្ទឹមនឹងនោះ ក៏នៅមានចំណុចខ្វះខាតមួយចំនួនតូច ដែលចាំបាច់ត្រូវតែធ្វើការកែលម្អ និងកែប្រែផ្លាស់ប្ដូរចោល នៅទម្លាប់ដែលធ្វើឲ្យកិច្ចការចូលរួម អនុវត្ដនូវគោលនយោបាយ ភូមិឃុំមានសុវត្ថិភាព មិនសូវទទួលបានប្រសិទ្ធភាពល្អ ១០០ភាគរយ និងមានការសហការចូលរួម ពីប្រជាពលរដ្ឋឲ្យបានច្រើន ជាការរួមចំណែកដ៏ធំធេង ក្នុងបេសកម្មមួយនេះ ” បម្រើ ការពារ ផ្ដល់ទំនុកចិត្ដ សន្ដិសុខ សន្ដិភាពជូនសង្គមជាតិ”៕ ដោយ៖កូឡាប
