ថ្មីៗនេះលើបណ្តាញសង្គមបានបង្ហោះ ខ្សែវីដេអូបង្ហាញឲ្យឃើញចោរប្លន់ ៣នាក់ មានទាំងកាំភ្លើង ញញួរ ៥គីឡូ ពាក់ម៉ាស់មុខជិតចូលក្នុងហាងមាសមួយ វាយបំបែកទូរដាក់តាំងគ្រឿងអលង្ការ… ។
ហេតុការណ៍នេះ កើតឡើងនៅថ្ងៃទី ១២ ខែតុលា ឆ្នាំ ២០១៨ តែទីកន្លែងនៅពុំទាន់មានការបញ្ជាក់ ។
ចោរម្នាក់នៅឃ្លាំមើលទ្វារ ខណៈ២នាក់ទៀត ម្នាក់យកកាំភ្លើងភ្ជុងគំរាមអ្នកលក់ ២នាក់ កាន់ថង់ប្រមូល “ជ័យភ័ណ្ឌ” រីឯម្នាក់ទៀតប្រើញញួរប្រភេទ ៥ Kg វាយបំបែកទូកញ្ចក់តែពុំបែកឡើយ ។
ប្រការចម្លែកគឺបុគ្គលិកទាំង២ហាក់ដូចជា “សហការ” យ៉ាងល្អដោយជួយប្រមូលជ័យភ័ណ្ឌដាក់ជូន “លោកចោរ” ។
ក្រោយហេតុការណ៍ និងពេលឃ្លីបនេះ ត្រូវបានបង្ហោះមានមនុស្សជាច្រើនបញ្ចេញយោបល់ខុសៗគ្នា តាមអារម្មណ៍ម្នាក់ៗ ចំពោះកាយវិការ “សកម្ម” ហួសហេតុរបស់បុគ្គលិកលក់ទាំង ២ ។
ភាគច្រើនថា ៖ “ខ្មោចស្រុកឲ្យដៃ ទើប…”! ចុះប្រិយមិត្តវិញយល់យ៉ាងម៉េចដែរ ! ៕
លីសា