កាលពីថ្ងៃទី១៦ ខែតុលា យន្តហោះប្រយុទ្ធ២គ្រឿងផលិតដោយចិន របស់កងទ័ពអាកាសភូមាបានធ្លាក់នៅតំបន់ Magwe បណ្តាលឱ្យមនុស្ស៣នាក់ស្លាប់ រួមមានអ្នកបើកបរ២នាក់ និងក្មេងស្រីអាយុ១០ឆ្នាំម្នាក់ ។
តាមកាសែតThe New York Times ដែលដកស្រង់សម្តីមន្ត្រីប្រចាំតំបន់ឱ្យដឹងថា យន្តហោះF-7 ទាំងពីរគ្រឿងហាក់ដូចជាបានបើកបុកប៉មផ្សាយរលកធាតុអាកាសទូរទស្សន៍មួយ។ ក្រោយមកយន្តហោះមួយបានធ្លាក់លើវាលស្រែក្បែរភូមិ Thanatpin នៃប្រជុំជនMinbu ហើយុមួយគ្រឿងទៀតបានធ្លាក់នៅជិតវត្តមួយនាតំបន់ Magwe។យន្តហោះទាំងពីរបានបុកនឹងដី ហើយបែកជាបំណែកតូចៗ។
ប្រភពដដែលឱ្យដឹងថា យន្តហោះទាំងពីរបានជួបគ្រោះថ្នាក់ពេលកំពុងហោះហ្វឹកហ្វឺន។
តាមកាសែតMyanmer Times មុននេះយន្តហោះF-7 បានធ្លាក់កាលពីខែមេសា ហើយអ្នកបើកបរក៏បានស្លាប់។នេះជាប្រភេទយន្តហោះប្រយុទ្ធដែលចិនផលិតយកតាមលំនាំ MiG-21 របស់អតីតសហភាពសូវៀត។វាត្រូវបានក្រុងប៉េកាំងនាំចេញលក់យ៉ាងទូលំទូលាយនិងមានតម្លៃថោក។ខាងក្រោមជារូបភាពនៃឧប្បតិ្តហេតុនេះ៕សូយន
