នេះជាខណៈពេលដ៏មហារន្ធត់មួយ ដែលរថយន្តធុនធំ១គ្រឿង ត្រូវបានដឹងថាដឹកអង្ករ បានបើកចុះពីលើស្ពានគីហ្សូណា ក្នុងទិសដៅពីកើតមកលិច ប៉ុន្តែ ចៃដន្យ ស្រាប់តែត្រូវដាច់ហ្វ្រាំង បណ្តាលឲ្យបោលបុករះរថយន្តតូច១គ្រឿង និងបុកផ្ទប់នឹងរថយន្តយីឌុបប្រភេទតទ្រុងដ៏វែងដឹកដំឡូង១គ្រឿងទាំងកម្រោល ស្ទើរតែក្រឡាប់លើផ្លូវតែម្តង និងបណ្តាលឲ្យម៉ូតូ១គ្រឿងទៀតរងគ្រោះថ្នាក់គួរឲ្យអាសូរ ។
សូមបញ្ជាក់ថា ករណីគ្រោះថ្នាក់ចរាចរ រវាងរថយន្តម៉ាក ហ៊ីយ៉ាន់ដាយ ពណ៌ស ស្លាកលេខ ភ្នំពេញ3B.3067 បើកបរដោយឈ្មោះសឹង សិត ភេទប្រុសអាយុ 30 ឆ្នាំនៅភូមិព្រែកតាអូក ឃុំរកាកោះស្រុក គងពិសីខេត្ត កំពង់ស្ពឺ (បើចុះពីលើស្ពានពីកើតទៅលិច) ។ រថយន្តម៉ាកហ៊ីយ៉ាន់ដាយពណ៌បែតង ស្លាលលេខ ភ្នំពេញ3C. 6042 បើកបរដោយឈ្មោះ យឿង រស្មី ភេទប្រុសអាយុ 26ឆ្នាំ នៅភូមិ ឃ្លោនទី3 ឃុំមាន ស្រុក ព្រៃឈខេត្តកំពង់ចាម (បើកពីលិចទៅកើត)។ ម៉ូតូម៉ាក ហុងដា សេ125ពណ៌ខ្មៅស្លាកលេខ ត្បូងឃ្មុំ1F.2791 បើកដោយឈ្មោះ ស្រ៊ាន ស្រឿន ភេទអាយុ 50ឆ្នាំ នៅភូមិ ស្រែស្ពៅ ឃុំគងជ័យ ស្រុកអូររាំង ខេត្តត្បូងឃ្មុំ (បើកត្បូងទៅជើង )។ គ្រោះថ្នាក់នេះ បណ្តាលឲ្យរបួសមនុស្ស ៦នាក់ ស្រី១នាក់ របួសធ្ងន់ ១នាក់ ប្រុស របួសស្រាល ៥នាក់ និង ខូចខាត រថយន្ត២គ្រឿង កំរិតធ្ងន់ ខូចខាតម៉ូតូ១គ្រឿងកំរិតស្រាល ។ មូលហេតុបណ្តាល មានគ្រោះថ្នាក់ មកពីរថយន្ត ដឹកអង្ករ ចុះពីលើស្ពាន ជាន់ហ្វាំង មិនស៊ី។ ក្រោយពេលកើតហេតុ ផ្នែកជំនាញ បញ្ជូនជនរងគ្រោះទៅមន្ទីរពេទ្យ និង សម្រួលចរាចរ។
ប្រភពព័ត៌មានពីកន្លែងកើតហេតុ ក៏ដូចជា បង្ហាញដោយកាមេរ៉ាសុវត្ថិភាព បានឲ្យដឹងថា នៅវេលាម៉ោងខាងលើ នៅចំណុចរង្វង់មូលស្ពានគីហ្សុណា ឡានដឹកអង្ករម៉ាក Hyundai ២តោនកន្លះ ជិះគ្នា២នាក់ ទិសដៅពីកើតមកលិច ចុះពីលើស្ពានគីហ្សុណា បានដាច់ហ្វ្រាំង រេចង្កូតទៅបុកជាមួយ ឡានធុនធំដឹកទំនិញ ជិះគ្នា២នាក់ ដឹកដំឡូងពេញ ដែលមានទិសដៅពីលិចទៅកើត ព្រមទាំងរេទៅបុកបន្តឡាន តាកូមា១គ្រឿង និងម៉ូតូឌ្រីមសង់២០១៨មួយគ្រឿងទៀតដែលនៅក្បែរនោះ។
ម្ចាស់រថយន្ដដឹកអង្ករដែលដាច់ហ្វ្រាំងនោះ បានព្យាយាមគ្រប់គ្រងស្ថានការនេះដែរ ប៉ុន្ដែមិនអាចបាន១០០ភាគរយនោះទេ ដោយគ្រាន់តែគាត់បានព្យាយាម គេចចេញពីកន្លែង ដែលមានរថយន្ដតូចៗ និងម៉ូតូ ហើយសុខចិត្ត បុកជាមួយរថយន្ដធុនធំ៕
ដោយ៖ ឧត្តម
ប្រភព៖ ហ្វេសប៊ុក