តើអ្នកនឹងយល់ពីអារម្មណ៍មួយនេះយ៉ាងណាទៅ! នៅពេលដែលបានឃើញរូបថត និងអានសារពោរពេញដោយក្តីស្រណោះ និងសែនអាឡោះអាឡៃបំផុត របស់ប្រពន្ធសពជនរងគ្រោះ ខណៈប្តីដែលធ្លាប់តែផ្តល់ក្តីស្រលាញ់ និងឱបនៅនឹងទ្រូង ត្រូវបានបូជាលាពីលោកនេះចោលប្រពន្ធ និងកូនស្រីជាទីស្រលាញ់ គ្មានថ្ងៃវិលវិញ ។
ខាងក្រោមនេះជាសាររបស់ប្រពន្ធ ដែលបានផុសអមជាមួយរូបភាព៥សន្លឹក និងវីដេអូបូជាសពប្តី១ឃ្លីប នៅលើគណនីហ្វេសប៊ុករបស់នាងឈ្មោះ Oun Tey យ៉ាងកំសត់ថា៖
ធ្លាប់តែកាន់ដៃបង អោបបង តែពេលនេះបានត្រឹមកាន់ធាតុបង វាសនាយេីងជួបគ្នាបានត្រឹមនេះ បងអស់កម្មហេីយ សូមបងទៅកាន់ សុគតិភពចុះ កុំបារម្មណ៍ពីប្រពន្ធកូនអី អូននឹងថែកូនអោយល្អ, មិនថាអ្នកណាគិតបែបណា តែមានតែយេីង2នាក់ដែលដឹងច្បាស់,សូមអោយបងទៅអោយស្ងប់ចុះ ???។
គួររម្លឹកផងដែរថា ជនរងគ្រោះខាងដែលមានឈ្មោះ ឆាយ ផានិត អាយុ ៣០ ឆ្នាំ រស់នៅភូមិកណ្តាច់ ឃុំចុងអំពិល ស្រុកកញ្ច្រៀច ត្រូវរថយន្តម៉ាកហ៊ីយ៉ាន់ដាយ ពណ៌ស ពាក់ស្លាក លេខកំពង់ធំ 3A-0988 បើកបុកបណ្ដាលឲ្យស្លាប់ភ្លាមៗ កាលពីវេលាម៉ោង ៦ៈ១០នាទីព្រឹកថ្ងៃទី១៦ ខែតុលា ឆ្នាំ២០១៨ ត្រង់ចំណុចមុខហាង ម៉ែក្មេក ហេងហេង ភូមិស្វាយអន្ទរទី១ ឃុំស្វាយអន្ទរ ស្រុកស្វាយអន្ទរ ហើយត្រូវបានប្រភពប្រាប់សារព័ត៌មានថា ជនរងគ្រោះមានវិបត្តិខ្លាំងជាមួយប្រពន្ធ រឿងប្រពន្វរត់ចោល ទើបសម្រេចចិត្តបែបបនេះ ។ ប៉ុន្តែ តាមពិតមិនមែនដូច្នេះទេ បន្ទាប់ពីប្រពន្ធសពជនរងគ្រោះចេញមុខបកស្រាយ ៕ ដោយ៖ ឧត្តម
