ឆ្នាំជូត ៖ ការងារ រីកចម្រើនល្អ ថ្នាក់លើ និងអ្នករួមការងារជួយគាំទ្រ ។ លុយកាក់ ធូរធារ មានបន្ថែមខ្ទង់ចំណូល ។ មនោសញ្ចេតនា ល្អប្រសើរ ។
ឆ្នាំឆ្លូវ ៖ ការងារ ល្អបំផុតដោយការខំប្រឹងប្រែងរបស់ខ្លួនឯង គួបផ្សំនឹងសំណាងល្អ ។ លុយកាក់ កើនឡើង ទទួលបានប្រាក់ចំណេញពីការវិនិយោគមុននេះ ។ មនោសញ្ចេតនា គួរលៃពេលវេលាឲ្យបានច្រើនសម្រាប់គូជីវិតរបស់អ្នក ។
ឆ្នាំខាល ៖ ការងារ ពង្រីកបានសមត្ថភាពរបស់ខ្លួន ដោយទទួលជោគជ័យគួរស្ញប់ស្ញែង ។ លុយកាក់ ល្អ បណ្តាទំនាក់ទំនងសង្គមអាចនាំមកនូវប្រភពប្រាក់ចំណូលយ៉ាងក្រាស់ក្រែល ។ មនោសញ្ចេតនា រីករាយ កក់ក្តៅ ។
ឆ្នាំថោះ ៖ ការងារ ការត្រៀមរៀបចំល្អិតល្អន់នាំមកនូវប្រសិទ្ធភាពការងារយ៉ាងល្អ ។ លុយកាក់ រីកចម្រើន អាចចំណាយប្រាក់ទិញរបស់ដែលខ្លួនប្រាថ្នា ។ មនោសញ្ចេតនា រលូនល្អ ។
ឆ្នាំរោង ៖ ការងារ មិនត្រូវធ្វើការហួសកម្លាំងនាំឲ្យប៉ះពាល់ដល់សុខភាព ។ លុយកាក់ មានអ្នកចង់បោកប្រាស់ មិនត្រូវស្តាប់សម្តីលួងលោមពីមនុស្ស ទើបនឹងស្គាល់គ្នា ។ មនោសញ្ចេតនា មិនគួរទាមទារច្រើនពេកក្នុងរឿងមនោសញ្ចេតនា ។
ឆ្នាំម្សាញ់ ៖ ការងារលេចចេញឱកាសមានប្រយោជន៍ច្រើន ។ លុយកាក់ មិនស្ថិរភាព ត្រូវចេះសន្សំសំចៃ ។ មនោសញ្ចេតនា ល្អប្រសើរ តែក៏គួរយកចិត្តទុកដាក់ឲ្យបានច្រើនជាងមុនចំពោះមនុស្សដែលខ្លួនស្រឡាញ់ ។
ឆ្នាំមមី ៖ ការងារ ត្រូវនឹងនរដោះស្រាយបញ្ហាក្នុងការងារ ត្រូវមានជម្រើសម៉ត់ចត់ពេលចងមិត្តភាព ។ លុយកាក់ ត្រូវរក្សាប្រាក់កាស របស់របរឲ្យប្រយ័ត្នប្រយែង បញ្ចៀសត្រូវបាត់បង់ ។ មនោសញ្ចេតនា មានឱកាសបានជួបមនុស្សក្នុងសុបិន្ត ។
ឆ្នាំមមែ ៖ ការងារ មិនអំណោយផលល្អ ។ លុយកាក់ មានរឿងត្រូវចំណាយប្រាក់ច្រើន ។ មនោសញ្ចេតនា អាក្រក់ ងាយកើតការឈ្លោះប្រកែកមើលងាយគ្នា ។
ឆ្នាំវក ៖ ការងារ ដំណើរការដោយជោគជ័យពុំជួបការលំបាក ឬឧបសគ្គណាឡើយ ។ លុយកាក់ ៖ ចំណូលកើនឡើង ស្ថានភាពវិនិយោគខ្ពស់ត្រដែត ។ មនោសញ្ចេតនា ត្រូវយកចិត្តទុកដាក់ចំពោះគ្នាឲ្យបានច្រើនថែមទៀត ។
ឆ្នាំរកា ៖ ការងារ មិនល្អ មានអ្នកឈ្នានីសពីក្រោយខ្នង ។ លុយកាក់ ថ្ងៃនេះមានបញ្ហានាំឲ្យខាតបង់ទ្រព្យរបស់ ។ មនោសញ្ចេតនា គួរមានការផ្លាស់ប្តូរយោបល់គ្នាត្រង់ៗក្នុងរឿងមនោសញ្ចេតនា ។
ឆ្នាំចរ ៖ ការងារ ត្រូវប្រយ័ត្នក្នុងការសហការរកស៊ី ដើម្បីបញ្ចៀសកើតមានការប្រទាញប្រទង់ ។ លុយកាក់ ត្រូវចេះសន្សំសំចៃ មិនគួរខ្ជះខ្ជាយ ។ មនោសញ្ចេតនា ងាយកើតមានទំនាស់ឈ្លោះប្រកែកគ្នា ។
ឆ្នាំកុរ ៖ ការងារ មានអ្នកជួយជ្រោមជ្រែងយកអាសា ថ្ងៃនេះអំណោយផលល្អសម្រាប់ការសុំការងារធ្វើ ។ លុយកាក់ ជួបសំណាងតិចតួចអំពីលុយកាក់ ៖ មនោសញ្ចេតនា ផ្អែមល្ហែម សុភមង្គល ៕