មនុស្សយ៉ាងតិច ៥០ នាក់បានស្លាប់ ខណៈពេលដែលរថភ្លើងមួយបានបើកចំហ្វូងមនុស្សកំពុងចូលរួមពិធីបុណ្យDusshera កាលពីយប់មិញនេះ(១៩ខែតុលា) នៅទីក្រុងAmritsar រដ្ឋ Punjab របស់ឥណ្ឌា។
តាមកាសែត India Today ហេតុការណ៍កើតឡើងនៅ Joda Phatak ខណៈពេលរថភ្លើងបានបើកបុកចំរូបទីងមោងបិសាច Ravana ដែលពលរដ្ឋកំពុងដុតនៅក្បែរផ្លូវរថភ្លើង។រថភ្លើងនេះកំពុងធ្វើដំណើរពីPathankot ទៅកាន់Amritsarហើយស្នូរសំឡេងរថភ្លើងបានត្រូវសំឡងភ្លេងនៃពិធីនេះលុបបាត់ ធ្វើមិនឱ្យអ្នកចូលរួមបុណ្យឮសូរឡើយ។
មានមនុស្សប្រមាណ៧០០នាក់កំពុងមានវត្តមាននៅកន្លែងកើតហេតុ។ សាក្សីមួយចំនួនឱ្យដឹងថា អ្នកស្លាប់ភាគច្រើនជាកូនក្មេង ហើយអ្នករងរបួសបានបញ្ជូនទៅមន្ទីរពេទ្យនៅក្បែរនោះ៕សូយន