ស្ត្រីម្នាក់នៅក្នុងប្រទេសប្រេស៊ីល បានធ្វើឲ្យមានការភ្ញាក់ផ្អើលនៅលើអ៊ិនធើរណែត បន្ទាប់វីដេអូមួយបានបង្ហាញឲ្យនាងបានផ្ទុះកំហឹងយ៉ាងសាហាវ ទៅលើប៉ូលីសមួយក្រុមដែលបានចាប់ខ្លួននាង ។
តាមរយៈវីដេអូបញ្ចេញដោយ Liveleak បានបង្ហាញឲ្យឃើញស្ត្រីម្នាក់ស្ថិតក្នុងសម្លៀកបំពាក់សិចស៊ី ដែលគេជឿថាជាអ្នកសម្តែងម្នាក់នៅក្នុងព្រឹត្តិការណ៍មួយ ត្រូវបានចាប់ខ្លួនដោយប៉ូលីសមួយក្រុម ។ ប៉ុន្តែ ខណៈពេលនោះ នាងបានបដិសេធជាមួយការចាប់ខ្លួនរបស់នាងយ៉ាងដាច់អហង្ការតែម្តង ដោយបានរឹងទទឹងយកជើងធាក់ទៅលើប៉ូលីសយ៉ាងសាហាវ នៅពេលពួកគេបង្ខំរុញនាងចូលក្នុងរថយន្ត ។
ប៉ុន្តែ មនុស្សជាច្រើនបានសម្តែងការពុំពេញចិត្តនោះទេ ចំពោះវិធីប្រឆាំងរបស់ប៉ូលីស ដែលបានប្រើប្រាស់ «Spray ម្រេច» បាញ់ដាក់មុខរបស់នាង ខណៈនាងក្រាញពុំព្រមចូលក្នុងរថយន្ត ។
ទោះជាយ៉ាងណា យើងពុំទាន់អាចស្វែងរកឃើញប្រភពព័ត៌មានណាមួយបញ្ចេញឲ្យដឹងពីមូលហេតុ នៃហេតុការណ៍នេះនៅឡើយនោះទេ ៕ ដោយ៖ ចន្ទី