ភ្នំពេញ៖ ក្រសួងទេសចរណ៍បានចេញសេចក្តីណែនាំ ការរៀបចំឲ្យមានអាងប្រព្រឹត្តិកម្មទឹកកខ្វក់ អាងបង្គន់អនាម័យ និងប្រព័ន្ធបណ្តាញលូ នៅតាមបណ្តាមូលដ្ឋានអាជីវកម្មសេវាទេសចរណ៍នៅខេត្តតំបន់ឆ្នេរសមុទ្រកម្ពុជា ។ ការចេញសេចក្តីណែនាំនេះ ដើម្បីធានាឱ្យបាននូវការអភិវឌ្ឍវិស័យទេសចរណ៍ នៅតាមតំបន់ឆ្នេរប្រកបដោយនិរន្តរភាព និងគុណភាពនៅតាមបណ្តាមូលដ្ឋាន អាជីវកម្មសេវាកម្មទេសចរណ៍ នៅតាមតំបន់ឆ្នេរសមុទ្រកម្ពុជា ឱ្យបានល្អប្រសើរ ឱ្យគ្រប់មូលដ្ឋានអាជីវកម្មសេវាកម្មទេសចរណ៍ទាំងអស់ ដែលនៅបណ្តាខេត្តជាប់មាត់សមុទ្រ ស្របទៅតាមមុខងារប្រើប្រាស់នៃអាជីវកម្មរបស់ខ្លួនឱ្យបានត្រឹមត្រូវ។
បើយោងតាមសេចក្តីប្រកាសរបស់ក្រសួងទេសចរណ៍ នៅថ្ងៃទី១៩ ខែតុលា ឆ្នាំ២០១៨ នេះ បានឱ្យដឹងថា ដើម្បីធានាឲ្យបានការអភិវឌ្ឍវិស័យទេសចរណ៍នៅតំបន់ឆ្នេរសមុទ្រកម្ពុជា ប្រកបដោយនិរន្តរភាព និងគុណភាព នៅតាមបណ្តាមូលដ្ឋាអាជីវកម្មទេសចរណ៍ នៅតំបន់ឆ្នេរសមុទ្រកម្ពុជា ចូលរួមយុទ្ធនាការផ្សព្វផ្សាយ “ឆ្នេរ សមុទ្រកម្ពុជា៖ តារារះនាទិសនិរតី” និងជាសមាជិកក្លឹបឆ្នេរសមុទ្រស្អាតជាងគេបំផុតលើពិភពលោក ក្រសួងទេសចរណ៍សូមធ្វើការណែនាំវិធានការអនុវត្តមួយចំនួនដូចជា៖ ទី១៖ រាល់ការស្នើសុំអាជ្ញាប័ណ្ណទេសចរណ៍ថ្មី ឬបន្តអាជ្ញាប័ណ្ណទេសចរណ៍ ប្រតិបត្តិករជាម្ចាស់មូលដ្ឋានអាជីវកម្ម សេវាកម្មទេសចរណ៍នៅតាមតំបន់ឆ្នេរកម្ពុជា ត្រូវរៀបចំឱ្យមានអាងព្រឹត្តិកម្មទឹកកខ្វក់ បង្គន់អនាម័យ បណ្តាញលូ ស្របទៅតាមមុខងារ ប្រើប្រាស់នៃអាជីវកម្ម និងបទដ្ឋានបច្ចេកទេសសំណង់។ ទី២៖ សម្រាប់មូលដ្ឋានអាជីវកម្ម សេវាកម្មទេសចរណ៍ ដែលពុំមានអាងព្រឹត្តិកម្មទឹកកខ្វក់ បង្គន់អនាម័យ បណ្តាញលូ ត្រូវរួសរាន់សុំកិច្ចសហប្រតិបត្តិការណ៍ ពិគ្រោះយោបល់ជាមួយ មន្ទីទេសចរណ៍តំបន់ឆ្នេរសមុទ្រកម្ពុជា ឬនាយកដ្ឋានគ្រប់គ្រងសេវាកម្ម ស្នាក់នៅទេសចរណ៍ និងម្ហូបអាហារ ដើម្បីរៀបចំឱ្យមានអាងព្រឹត្តិកម្មទឹកកខ្វក់ បង្គន់អនាម័យ និងបណ្តាញលូ យ៉ាងយូរត្រឹមដំណាច់ឆ្នាំ២០១៨៕ ដោយ៖កូឡាប
ខាងក្រោមនេះជាសេចក្តីប្រកាសរបស់ក្រសួងទេសចរណ៍៖