បុរសម្នាក់បានធ្វើការយ៉ាងប្រឹងប្រែងពេញមួយជីវិត ហើយសន្សំបានលុយយ៉ាងច្រើន។ ប៉ុន្តែគាត់ពិតជាមនុស្សម្នាក់មានចរិតកំណាញ់ស្វិតសូម្បីមួយកាក់មួយសេន ។ គាត់ស្រឡាញ់លុយជាងអ្វីៗទាំងអស់ ហេតុនេះទើបគាត់ផ្តែផ្តាំបង្ខំប្រពន្ធគាត់ថា បើគាត់ស្លាប់ត្រូវ យកលុយទាំងនោះដាក់បញ្ចុះក្នុងមឈូសជាមួយខ្លួន។
ភរិយារបស់លោកបានស្បថសច្ចាថាអ្វីដែលជាបំណងប្រាថ្នារបស់លោក គាត់នឹងធ្វើតាមជាដាច់ខាត។មួយរយៈក្រោយមក បុរសនោះបានលាចាកលោក។ នៅពេលគេរៀបចំលើកសពលោកដាក់ក្នុងមឈូស ប្រពន្ធគាត់ដែលស្លៀកពាក់សស្ថិតនៅជិតនោះ ហើយមានមិត្តភក្តិជិតស្និទ្ធរបស់គាត់ម្នាក់អង្គុយកំដរ។នៅពេលដែលគេបម្រុងបិទគម្របមឈូស ស្ត្រីជាភរិយាស្រែកថា «ចាំមួយភ្លែតសិនៗ»។
គាត់បានស្ទុះចូលទៅក្នុងបន្ទប់ ហើយកាន់ប្រអប់ក្រដាសមួយយកវាមកដាក់ក្នុងមឈូសក្បែរសពប្តី ហើយពោលថាខ្ញុំបានធ្វើតាមបំណងលោកហើយ។
ក្រោយពេលរៀបចំទុកដាក់ធ្វើបុណ្យរួចរាល់ មិត្តភក្តិជិតស្និទ្ធរបស់គាត់សួរថា ខ្ញុំមិនជឿថាឯងឆ្កួតដល់ថ្នាក់ យកលុយទៅកប់ជាមួយប្តីមហាកំណាញ់របស់ឯងឡើយ។
ស្ត្រីរូបនេះឆ្លើយថា៖ ខ្ញុំបានសន្យានិងសច្ចាជាមួយគាត់ ខ្ញុំមិនចេះនិយាយកុហកហើយក៏មិនក្បត់ពាក្យសម្បថដែរ។
«ពុទ្ធោ! អ៊ីចឹងឯងចង់និយាយថាឯងបានយកលុយទាំងអស់ទៅដាក់ក្នុងមឈូស»។
ប្រាកដណាស់»! ស្ត្រីរូបនេះឆ្លើយតប។ ខ្ញុំបានប្រមូលលុយទាំងអស់ដែលមានយកទៅដាក់នៅធនាគារ រួចខ្ញុំបានចុះហត្ថលេខាលើសក្រដាសមួយសន្លឹកផ្ទេរលុយទាំងអស់ទៅឱ្យគាត់ រួចដាក់ក្នុងប្រអប់ក្រដាសហើយ ពេលនេះវាកំពុងនៅក្នុងមឈូសជាមួយគាត់៕សូយន