ទំនាក់ទំនងរវាងបងប្អូនបង្កើត គឺបង្ហាញឡើងក្នុងទម្រង់ជាច្រើន ។ អ្នកខ្លះក៏បានបង្ហាញភាពខុសឆ្គង ពុំសូវយកចិត្តទុកដាក់ចំពោះបងប្អូនរបស់ពួកគេនោះទេ នៅពេលខ្លះ រីឯអ្នកខ្លះទៀត ក៏បានបង្ហាញក្តីស្រលាញ់យ៉ាងជិតស្និទ្ធជាមួយបងប្អូន ។ ទោះយ៉ាងណាក៏ដោយ ក៏ពួកគេបានបង្កប់នូវក្តីស្រលាញ់គ្នាយ៉ាងខ្លាំង និងចេះជួយគ្នានៅពេលមានតម្រូវការអ្វីមួយនោះ ។
តួយ៉ាង ដូចជាក្មេងប្រុសម្នាក់នេះអីចឹង បានកំពុងធ្វើឲ្យមនុស្សជាច្រើនកោតសរសើរយ៉ាងខ្លាំង ចំពោះទឹកចិត្តនៃក្តីស្រលាញ់ដ៏ធំធេងរបស់គេ ក្នុងការជួយដោះស្រាយបញ្ហាដែលជាការចង់បានរបស់ប្អូនស្រីតាមដែលអាចធ្វើទៅបាន ជាមួយកាយវិការលួងចិត្ត និងផ្តល់ក្តីស្រលាញ់គួរឲ្យសរសើរមែនទែន ។
ជាការពិតណាស់ ខណៈឃើញប្អូនស្រីរបស់ខ្លួន ពុំអាចឈោងដៃដល់កន្ត្របាល់បោះបាន ហើយនាងក៏ងយំ ភ្លាមៗនោះ បងប្រុសតូចម្នាក់នេះក៏បានចូលទៅលួងចិត្ត និងផ្តល់ការថើបមួយសិន មុនពេលលើកប្អូនស្រីឡើងឲ្យដល់កន្ត្រកដើម្បីទម្លាក់បាល់ចូលដោយជោគជ័យ ដែលធ្វើឲ្យនាងត្រេកអររំភើបចិត្តយ៉ាងខ្លាំង ។
នេះជាវីដេអូបង្ហាញពីការអប់រំ ដែលឪពុកម្តាយមួយបានថត ដើម្បីឲ្យបងប្អូនទាំងអស់នៅលើបណ្តាញសង្គមបានឃើញពីទំហំនៃក្តីស្រលាញ់ និងការយល់ចិត្តគ្នារវាងកូនៗប្រុសស្រីរបស់ពួកគេដែលមានចំពោះគ្នាប៉ុណ្ណា!! ៕
ដោយ៖ ចន្ទី
ប្រភព៖ nobledrift