តាកែវ៖ ក្រុមនិស្សិតជាច្រើននៅក្នុងខេត្តតាកែវបាននាំគ្នាសម្រុកមកដាក់ពាក្យធ្វើការនៅក្នុងការតាំងពិព័រណ៍ការងាររបស់សកលវិទ្យាល័យបៀលប្រាយសាខាខេត្តតាកែវ នៅព្រឹកថ្ងៃ សៅរ៍ ទី ២០ ខែ តុលា ឆ្នាំ ២០១៨នេះ ដោយមានក្រុមហ៊ុនឯកជននិងគ្រិះស្ថានមីក្រូហិរញ្ញវត្ថុនៅក្នុងខេត្តតាកែវប្រមាណ២០ស្ថាប័នបានមកជ្រើរើសនិស្សិតផ្ទាល់នៅក្នុងការតាំងពិព័រណ៍ការងារនេះ។
លោក ញ៉ែម សាមុត នាយកសាខាសាកលវិទ្យាល័យបៀលប្រាយសាខាខេត្តតាកែវបានថ្លែងឲ្យដឹងថា សាកលវិទ្យាល័យបៀលប្រាយសាខាខេត្តតាកែវបានសហការជាមួយក្រុមហ៊ុនឯកជននិងគ្រិះស្ថានមីក្រូហិរញ្ញវត្ថុនានានៅក្នុងខេត្តដើម្បីរៀបចំតាំងពិព័រណ៍ការងារជូននិស្សិតនិងមហាជនដែលកំពុងតែស្វែងរកការងារធ្វើ ឲ្យមកដាក់ពាក្យនិងផ្ដល់ឱកាសលដល់និស្សិតបានទំនាក់ទំនងដោយផ្ទាល់ជាមួយស្ថាប័នដើម្បីដឹងពីតម្រូវការទីផ្សារការងារបច្ចុប្បន្ន។
លោកនាយកសាកលវិទ្យាល័យបៀលប្រាយសាខាខេត្តតាកែវ បានមាបនប្រសាសន៍បន្តថា សាកលវិទ្យាល័យបានធ្វើការបណ្ដុះបណ្ដាលនិស្សិតប្រកបដោយគុណភាពចំណេះដឹង ដោយធ្វើយ៉ាងណាឲ្យនិស្សិតដែលរៀនចប់ក្លាយជាធនធានមនុស្សប្រកបដោយសិលធម៌វិជ្ជាជីវៈ។ នៅក្នុងការស្ទង់មតិរបស់សកលវិទ្យាល័យបៀលប្រាយសាខាខេត្តតាកែវបានបង្ហាញថាអាត្រានិស្សិតកម្រឹតបរិញ្ញាប័តរងដែលបានបញ្ចប់កាសិក្សាមានការងារធ្វើប្រមាណ៨២,៨ផាគរយ និស្សិតកម្រឹតបរិញ្ញាប័ត្រមានការងារធ្វើចំនួន៩៤,២ភាគរយ និងនិស្សិតកម្រឹតបរិញ្ញាប័ត្រជាន់ខ្ពស់មានការងារធ្វើចំនួន១០០ភាគរយ។«សំលេងសម្ភាសន៏លោកនាយកសាកលវិទ្យាល័យបៀលប្រាយ»និស្សិតផ្នែកសេដ្ឋកិច្ចនៃសាកលវិទ្យាល័យបៀលប្រាយខេត្តតាកែវ កញ្ញា នៃ សម្ភស្សន៍ ដែលបានដាក់ពាក្យធ្វើការនៅក្នុងការតាំងពិព័រណ៍ ការងារបានចាត់ទុកនេះជាឱកាស់ល្អសម្រាប់ឲ្យនិស្សិតអាចប្រាស្រ័យទាក់ទងនិងដាក់ពាក្យដោយផ្ទាល់ចំពោះក្រុមហ៊ុនដែលនិស្សិតចង់ធ្វើការ ហើយកញ្ញាសង្ឃឹម៧០ភាគរយថាខ្លួននិងអាចធ្វើតេស្តជាប់សម្រាប់បំរើការងារជាអ្នកលក់នៅក្នុងក្រុមហ៊ុនមួយដែលមកជ្រើរើសបុគ្គលិកនៅក្នុងការតាំងពិព័រណ៍ការងារនេះ ៕ ដោយ ៖ តាកែវ