តើអ្នកលាងសាច់ជ្រូក សាច់គោជាប់ខ្លាញ់ដោយវិធីណា? ប្រហែលជាយកវាមកដាក់ក្រោមទុយោទឹករួចប្រើដៃឈ្លីវាហើយមែនទេ! បន្ទាប់មកដៃអ្នកមានអារម្មណ៍ជាប់ខ្លាញ់ឡើងរអិលៗ… ។ ធ្វើតាមអ្នកឯកទេសនោះធានាថា សាច់ក៏ស្អាត ដៃអ្នកក៏ពុំមានរអិលនឹងសារធាតុខ្លាញ់ដែរ ។
តាមនោះសាច់ដែលអ្នកត្រូវលាង យកវាមកត្រាំទឹកអង្ករ ដែលអ្នកច្រើនចាក់ចោលនោះ ប្រហែល៥នាទី (អ្នកនឹងឃើញមានខ្លាញ់កាកសំណល់កខ្វក់អណ្តែតឡើង ។ បន្ទាប់មកអ្នកចាប់យកសាច់នេះចេញ មកលាងនឹងទឹកធម្មតាជាការស្រេច ។
គប្បីដឹងបន្ថែមថា ទឹកលាងអង្ករដាំបាយដែលភាគច្រើន អាចហៅថាវាជាទឹកលាងសម្អាតធម្មជាតិសុទ្ធសាធ អាចជួយដល់រឿងមួយចំនួនទៀត ។ ជាអាទិ៍ ៖
-អ្នកយកវាទៅកម្តៅឲ្យក្តៅឧណ្ហៗ រួចលាងសម្អាតផ្ទៃមុខ ព្រោះវាសម្បូរទៅដោយ Kali ។ វាកបល្អចំពោះអ្នកដែលស្បែកមានសារធាតុខ្លាញ់ច្រើន ងាយកើតមុន ពិសេសមុនអង្កាម ។
-ទឹកអង្ករសម្បូរដោយវីតាមីន B ហេតុនេះវាមានប្រសិទ្ធភាពជួយរក្សាសុខភាពសក់បានយ៉ាងល្អ ជួយឲ្យសក់មិនបែកចុង ហើយទន់ល្អ ។ ដើម្បីឲ្យប្រសិទ្ធភាព ។
វាកាន់តែកើនឡើងអ្នកអាចបន្ថែមចូលទឹកអង្គរ នូវទឹកក្រូចឆ្មារ ២-៣ តំណក់ រួចយកទឹកនេះ មកម៉ាស្សាសក់ឲ្យបានសើមជាប់ប្រមាណពី ៥-១០នាទី ហើយលាងសម្អាតជាមួយទឹកធម្មតា ។
-លើផ្ទៃក្រៅនៃបន្លែ ផ្លែឈើ តែងមានជាប់នូវថ្នាំសម្លាប់សត្វល្អិត អ្នកយកវាទៅត្រាំមួយសន្ទុះក្នុងទឹកអង្ករ រួចលាងជាមួយទឹកធម្មតានោះវាជួយបំបាត់ចោលសារធាតុពុលទាំង បានយ៉ាងល្អ ។
-ចានឆ្នាំងជាប់ខ្លាញ់ ក៏អ្នកអាចយកទឹកអង្ករ មកលាងវានឹងស្អាតដូចជាទឹកថ្នាំលាង ដែលជាសារធាតុគីមី អាចបង្កបញ្ហាចំពោះដៃអ្នក ក៏ដូចជាផលវិបាក ប្រសិនបើអ្នកជម្រះទឹកធម្មតា ពុំបានជ្រះល្អនោះ ។
-ក្លិនផ្ទះដែលទើបលាបរួច នឹងលែងជាបញ្ហា ដោយអ្នកគ្រាន់តែយកទឹកអង្ករមកជូតលាងៗឲ្យបាន 3-4ដង ។ ពុំត្រឹមជួយបំបាត់ក្លិនទេ វានៅជួយឲ្យពណ៌ ដែលអ្នកលាប មិនងាយហើរទៀត ។
-ក្លិនជ្រុញ កាំបិត ក្រោយពេលធ្វើត្រីពិតជាឆ្អាប អ្នកយកវាទៅត្រាំក្នុងទឹកអង្ករ រួចថែមអំបិលបន្តិចចូលទុកមួយសន្ទុះ សឹមលាងទឹកធម្មតាជាការស្រេច ។ ក្លិនឆ្អាបនឹងលែងមានក្នុងចង្ក្រាន ។
-សូម្បីត្រីធ្វើរួចហើយ តែចង់ឲ្យបន្ថយការឆ្អាបនោះ យកវាត្រាំក្នុងទឹកអង្ករ ប្រហែល ១៥នាទី យ៉ាងយូរ រួចយកចេញដាក់ឲ្យសម្ងួតទឹកអស់ សឹមយកវាទៅច្នៃជាអាហារ ។ ក្លិនឆ្អាបប្រាកដជាអស់ ហើយត្រីនៅតែស្រស់ដដែល ។
វិធីមួយចំនួនជួយសម្រួលដល់រឿងកើតឡើងប្រចាំថ្ងៃ
