តាមអ្នកចិត្តសាស្ត្រនោះ ការគិតនាំឱ្យមានទងើ្វ ទង្វើក្លាយជាទម្លាប់ ។ ទម្លាប់ស្តែងចេញមួយផ្នែកណានោះនៃចំណងទាក់ទងបច្ចុប្បន្ន។ចូរអ្នកសាកល្បងជ្រើសរើសរូបភាពមួយ ដែលតាមអ្នកពួកគេមានសុភមង្គលបំផុត។ ចរិតរបស់អ្នកក្នុងស្នេហាយ៉ាងម៉េចដែរ?
ចូរអ្នកអានចម្លើយខាងក្រោម តើត្រឹមត្រូវដែរឬទេ។ ជ្រើសរើសយករូបភាពទី១៖
ប្រសិនបើអ្នកជាស្រី៖
នោះចំពោះរឿងស្នេហា អ្នកតែងលើកតម្កើងវាមិនខ្លាចបង្ហាញមោទនភាពរបស់ខ្លួនចំពោះសង្សារ។ អ្នកជានារីឯករាជ្យ អាចមើលថែខ្លួនឯងបាន ពុំចាំបាចអ្នកដទៃ ពិសេសអ្នកពុំរវល់នឹងការគិតរបស់អ្នកដទៃចំពោះខ្លួន។
ប្រសិនបើអ្នកជាមនុស្សប្រុស៖
អ្នកគឺជាប្រភេទបុរសនឹងន ហើយម៉ឺងម៉ាត់ចំពោះរឿងស្នេហា។ អ្នកពុំចេះមើលស្រាលទំនាក់ទំនងមនោសញ្ចេតនារបស់ខ្លួននិងហ៊ានពលិកម្មអ្វីៗដើម្បីគូស្នហ៍ ។ អ្នកប្រាកដជាចូលចិត្តពាក្យស្លោកមួយថា៖ «ស្នេហាគឺជាការដែលអ្នកទាំងសងខាងត្រូវហ៊ានបើកចំហ និងចែករំលែកគ្រប់រឿងរ៉ាវជាមួយគ្នា»។
ប្រសិនបើអ្នកជ្រើសរើសរូបភាពទី២៖
ប្រសិនបើអ្នកជាស្រី៖
«ខាងក្រោយជោគជ័យរបស់មនុស្សប្រុស តែងមានស្រមោលរបស់មនុស្សស្រីម្នាក់» នេះគឺជាពាក្យពណ៌នាសុក្រឹតបំផុតសម្រាប់អ្នក។ អ្នកពិតជាប៉ិនប្រសប់រ៉ាប់រងការងារបានគ្រប់មុខ ពូកែសង្កេត ហើយល្អិតល្អន់ណាស់។ អ្នកក៏ដឹងពីរបៀបជួយលើកទឹកចិត្តដល់គូស្នេហ៍ខ្លួនដើម្បីគាត់អាចបង្ហាញឡើងបាននូវគុណសម្បតិ្តលេចធ្លោ។ តាមរយៈនោះ គេនឹងមានជោគជ័យក្នុងជីវិត និងក្នុងបុព្វហេតុ។
ប្រសិនបើអ្នកជាមនុស្សប្រុស៖
អ្នកគឺជាបុរសទន់ភ្លន់ សម្បូរមនោសញ្ចេតនា ហើយបែបងប់ងល់នឹងរឿងស្នហាបន្តិច។ ក្នុងចិត្ត អ្នកតែងចង់ធ្វើនូវរឿងរ៉ូមែនទិក និងពញ្ញាក់អារម្មណ៍ដល់ សង្សារខ្លួន។ ប៉ុន្តែអាស្រ័យដោយចរិតមានបេះដូង «ទន់ជ្រាយ» ធ្វើឱ្យអ្នកងាយអស់សង្ឃឹមពេលជួបនឹងការលំបាកឬការបរាជ័យ។ ប្រសិនបើមានប្រទះនឹងរឿងបែបនេះ អ្នកត្រូវការឱ្យសង្សារ ក្រុមគ្រួសារ និងមិត្តភក្តិជួយលើកទឹកចិត្ត។
ប្រសិនបើអ្នកជ្រើសរើសរូបភាពទី៣៖
អ្នកគឺជានារីម្នាក់ដែលទន់ភ្លន់ ងាយសម្របខ្លួននឹងអ្នកដទៃ។ អ្នកតែងដើរតួនាទីធ្វើឱ្យអ្វីៗមានតុល្យភាព ហើយក៏ជាអ្នកសម្របសម្រួលក្នុងគ្រប់ការងារ រួមទាំងរឿងស្នហហា។ អ្នកមិនចូលចិត្តការប៉ះទង្គិច និងឈ្លោះប្រកែកគ្នា ។ ក្នុងរឿងស្នេហារបស់ខ្លួនអ្នកគឺជាមនុស្សដែលអត់ធ្មត់ ទុកឱ្យសង្សារអ្នកដើរតួនាទីម្ចាស់ការ។
ប្រសិនអ្នកជាមនុស្សប្រុស៖
អ្នកពិតជាចូលចិត្តក្តោបក្តាប់សិទ្ធិដឹកនាំក្នុងគ្រប់រឿង។ អ្នកជាបុរសដែលក្លៀវក្លា រឹងប៉ឹង តែក៏មានចិត្តអភិក្ស និងចង់ត្រួតត្រាគេ។ អ្នកមានការទទួលខុសត្រូវចំពោះគ្រួសារ ហើយនិងសង្សាររបស់ខ្លួន ។ អ្នកតែងប្រឹងប្រែងការពារ ហើយខិតខំនាំមកនូវរឿងល្អសម្រាប់ពួកគេ។ ប៉ុន្តែ អ្នកងាយច្រឡោតខ្វះការអត់ធ្មត់។
ប្រសិនបើអ្នកជ្រើសរើសរូបភាពទី៤ ៖
ប្រសិនអ្នកជាមនុស្សស្រី៖
អ្នកជាមនុស្សឆ្លាតវៃចេះទំនាក់ទំនង ហើយដោះស្រាយបញ្ហាបានយ៉ាងប៉ិនប្រសប់។ ដោយសារមានលក្ខណៈខាងលើ ធ្វើឱ្យអ្នកមានចំណងទាក់ទងល្អជាច្រើនជាមួយសង្គមខាងក្រៅ។ ក្នុងរឿងស្នេហា អ្នកគឺជាមនុស្សដែលចេះបត់បែន ដឹងពេលដែលគប្បីទៅមុខ គេចចេញ ឬដើរថយក្រោយ។
ប្រសិនអ្នកជាមនុស្សប្រុស៖
អ្នកជាមនុស្សនិយមភាពកក់ក្តៅ គិតគូរដល់គ្រួសារ ហើយហ៊ានយកជីវិតការពារអ្នកដែលខ្លួនស្រឡាញ់។ ប៉ុន្តែ អ្នកពុំមែនជាប្រភេទមនុស្សចូលចិត្តបង្គាប់បញ្ជាឲ្យគេធ្វើតាមខ្លួនឡើយ ។ អ្នកតែងគោរពយោបល់របស់ម្ខាងទៀត គាំទ្រ និងលើកទឹកចិត្តនាងឱ្យធ្វើនូវអ្វីដែលខ្លួនចូលចិត្ត។ អ្នកពិតជាគំរូមនុស្សដែលស្រីគ្រប់រូបចង់បានជាគូ ។
ប្រសិនបើអ្នកជ្រើសរើសរូបភាពទី៥៖
មិនថាជាបុរសនារីទេ អ្នកនិងគូស្នេហ៍រស់នៅចុះសម្រុងគ្នា និងចេះជួយគ្នាទៅវិញទៅមកក្នុងជីវិតឯកជន ឬមួយក្នុងការងារ។ អ្នកចូលចិត្តផ្តល់ឱកាសឱ្យគ្នា យកចិត្តទុដាក់ដល់គ្នាគ្រប់ពេលវេលា ។ ពួកអ្នកមិនចូលចិត្តនៅឆ្ងាយពីគ្នាទេ ។
ប្រសិនបើអ្នកជ្រើសរើសរូបភាពទី៦៖
មិនថាប្រុសឬស្រី អ្នកសុទ្ធសឹងជាគំរូមនុស្ស «ក្នុងក្តៅ ក្រៅត្រជាក់» មិនចូលចិត្តបង្ហាញមនោសញ្ចេតនៅទីកន្លែងមានមនុស្សច្រើន។ អ្នកគោរពចំណូលចិត្តការគិតគូររបស់គូស្នេហ៍ ចូលចិត្តកន្លែងដែលស្ងប់ស្ងាត់ ហើយស្អប់ភាពអ៊ូអរប្រជែងដណ្ដើមគ្នា។ អ្នកប្រាកដជាពុំមែនប្រភេទមនុស្សចូលចិត្តបង្ហោះរូបភាពគូស្នេហ៍ខ្លួនបង្អួតលើបណ្ដាញសង្គមឡើយ។ មើលពីក្រៅ អ្នកដូចជាមនុស្សតឹងរ៉ឹង ប៉ុន្តែការពិតទៅអ្នកជាមនុស្សរ៉ូមែនទិក និងមនោសញ្ចេតនាណាស់ ដោយគ្រាន់តែអ្នកមិនចង់បង្ហាញរឿងនេះនៅមុខគេឯងប៉ុណ្ណោះ។
ប្រសិនបើអ្នកជ្រើសរើសរូបភាពទី៧៖
អ្នកគឺជាមនុស្សចូលចិត្តសង្គមអ៊ូអរ។ អ្នកមិនខ្លាចក្រែងក្នុងការបង្ហាញអារម្មណ៍ និងបង្ហោះក្នុងបណ្ដាញសង្គម អំពីរឿងរ៉ាវ និងរូបភាពគូស្នេហ៍របស់អ្នក ។ ចំពោះអ្នក សុភមង្គលគឺត្រូវបង្ហាញ និងចែករំលែកឱ្យគេដឹង៕ ចន្ទ្រា