ពេលនេះ Daily Star ដែលជាសារព័ត៌មានតាមដានជាប់រឿងនេះឲ្យដឹងថា អ្នកបច្ចេកវិទ្យាអង់គ្លេស Ian Wilson និងបងប្រុស Jack បានទៅដល់កម្ពុជាតាំងពីថ្ងៃទី ១៦ តុលា ។
Ian Wilson (ស្តាំ) និងបងប្រុស Jack នៅអាកាសយានដ្ឋានអន្តរជាតិភ្នំពេញ ។
ពីព្រលានយន្តហោះអន្តរជាតិភ្នំពេញ ពួកគេបានទៅសម្រាក១យប់ នាខេត្តកំពង់ស្ពឺ ។ នៅថ្ងៃទី ១៨ តុលា ពួកគេចេញដមណើរឆ្ពោះទៅច្រកល្អាង (Chrok La Eang) ដែលជាកន្លែងចាប់ផ្តើមដំណើរស្វែងរក MH 370 ។ ព្រឹកថ្ងៃទី ១៩ តុលា ពួកគេបោះជំហានដំបូងចូលព្រៃ ។
តាម Daily Star ដដែលនោះ នេះជាដំណើររុករក និងគ្រោះថ្នាក់ ប៉ុន្តែពុំមែនដោយសារភូមិសាស្ត្រនោះទេ បញ្ហាគឺក្រុមជនទុច្ចរិតលួចកាប់ឈើកំពុងមានសកម្មភាព នៅតំបន់នោះ -ពួកវាមិនពេញចិត្តជាមួយជនស្បែកសឡើយ ហើយមានកាមេរ៉ាក្នុងមែន ។
កិច្ចសន្ទនាពីទឹកដីកម្ពុជានៅថ្ងៃទី ១៨ តុលា ជាមួយ Daily Star , Ian Wilson និយាយថា ៖ ខ្លួនគេនិងបងប្រុសបានយកឧបករណ៍សម្រាប់សម្រាកក្នុងព្រៃនៅពេលយប់ ។ គាត់នៅតែបង្ហាញអារម្មណ៍ប្តូរផ្តាច់សម្រេចបំណងរបស់ខ្លួន តាមរយៈដំណើរមួយត្រូវចាយអស់ ៥០០០ USD ។ ពួកគេត្រូវដើរកាត់ព្រៃប្រហែល 8km ដើម្បីទៅដល់កន្លែងដែលគាត់ជឿថា MH370 កំពុង “ដេក” នៅទីនោះ ។
មនុស្សជាច្រើនកំពុងតាមពួកគេគ្រប់ជំហាន ព្រោះគោលដៅនៃដំណើរផ្សងព្រេងនេះធំធេងណាស់ ៖ “បកស្រាយអាថ៌កំបាំងកត់ទុក ៤ឆ្នាំមកហើយ!” ។
Ian Wilson ចាប់ផ្តើមដំណើរការផែនការដែលត្រៀមទុក ២ឆ្នាំមកហើយ ។
សូមបួងសួង និងជូនពរពួកលោកជោគជ័យ ហើយសុវត្ថិភាព!
ចន្ទ្រា