ក្រុមរុករកបាន “ទម្លុះ” ព្រៃក្រាសរបស់កម្ពុជា ដើម្បីឆ្ពោះទៅគោលដៅរបស់ខ្លួន ។
ផលិតករ Video សញ្ជាតិអង់គ្លេស Ian Wilson និងបងប្រុស Jack បានចាប់ផ្តើមភារកិច្ចរបស់ខ្លួន ក្នុងការរុករកយន្តហោះ Boeing 777 -200 មានលេខសម្ពាល់ MH 370 នៅកម្ពុជា ។
តាមការទម្លាយចេញពីសំណាក់ Daily Star Online ដែលរក្សាកម្មសិទ្ធិផ្តាច់មុខ សម្រាប់ដំណើររបស់បងប្អូនទាំង២នេះ ឲ្យដឹងថា ពួកគេកំពុងសំដៅទៅប៉ែកខាងជើង ភ្នំឱរ៉ាល់ ដែលមានចម្ងាយប្រមាណ 4 ម៉ាយពីតំបន់កំពូលភ្នំនេះ ។
Ian បានប្រាប់ថា ភូមិសាស្ត្រដែលបានឆ្លងកាត់ ពិតជាគួរឲ្យខ្លាច ។ វាជាតំបន់ព្រៃក្រាស មានដើមឈើធំៗខម្ពស់ដល់ទៅ 200ft (ប្រមាណ ៦០ម៉ែត្រ) ព្រមទាំងពុំអាចប្រើឧទ្ធម្ភាចក្របាន ។ គម្របឈើបានគ្របជិតនៅរយៈកម្ពស់ប្រមាណ ៦០ម៉ែត្រ ហេតុនេះយន្តហោះពុំអាចមើលឃើញអ្វីបានទេ ។ លោកក៏បានប្រាប់បន្ថែមថា ព្រោះតែភុមិតសាស្ត្រលំបាក ហេតុនេះពួកគេមានរងរបួសបន្តិចបន្តួចដែរ ។
Ian Wilson ប្រាប់ Daily Star ពីផែនការរុករក MH 370 របស់ខ្លួន
ដំណើររុករកកំពុងបន្តប្រព្រឹត្តទៅ ហើយ Daily Star ជាម្ចាស់កម្មសិទ្ធិផ្សព្វផ្សាយព័ត៌មានពីដំណើររុករកនេះ ៕ សូយន
ប្រភព ៖ Daily Star