ស្ត្រីបរទេសម្នាក់ដែលរងរបួសខួរឆ្អឹងខ្នងកំរាមកំហែងដល់អាយុជីវិត កាលពី២ឆ្នាំមុន បន្ទាប់ជួបគ្រោះថ្នាក់ធ្លាក់ពីលើច្រាំថ្ម ខណៈនាងព្យាយាមគេចខ្លួនចេញពីជនចាប់រំលោភ ឥឡូវនេះ បានកំពុងរៀបចំរត់ម៉ារ៉ាតុងនៅក្នុងទីក្រុងញូវយ៉កហើយ ។
នៅក្នុងខែកញ្ញា ឆ្នាំ២០១៦ នាង Hannah Gavios ខណៈកំពុងសម្រាកលំហែកាយនៅក្នុង Krabi ស្ថិតនៅភាគខាងត្បូងនៃប្រទេសថៃ នៅពេលនោះបុរសក្នុងស្រុកតំបន់ឈ្មោះ Apai Ruangwong បានយកលេសជួយជូននាងវិលត្រឡប់ទៅសណ្ឋាគារវិញ ។
ប៉ុន្តែ ជំនួសឲ្យការជូនស្ត្រីអាយុ ២៣ ឆ្នាំ ខាងលើនេះទៅកាន់សណ្ឋាគាររបស់នាង បុរសរូបនេះបាននាំនាងទៅកាន់តំបន់ព្រៃមួយ ហើយបានចាប់បង្ខំនាងរួមភេទតែម្តង ។
នៅគ្រានោះ Gavios បានគ្រប់គ្រងរើបម្រាស់វាយតបតទៅលើបុរសនេះ ដោយដាល់គាត់នៅត្រង់មុខ ហើយបានព្យាយាមរត់គេចខ្លួនទាំងយប់ងងិត ។ ប៉ុន្តែ ការរំដោះខ្លួនទាំងភ័យស្លន់ស្លោបែបនេះ បានធ្វើឲ្យនាងរត់ជ្រុលជើង និងធ្លាក់ពីលើច្រាំងថ្ម បណ្តាលឲ្យរងរបួសក្បាលយ៉ាងធ្ងន់ធ្ងរ ។
ជាមួយរបួសនេះ នាងពុំអាចក្រោកឡើងបានទេ ហើយ Ruangwong បានតាមរកឃើញ និងបន្តរំលោភនាងទាំងរងរបួសរហូតដល់ ១០ ម៉ោង ទើបអ្នកស្រុកអាចសង្គ្រោះនាង ។
ស្ត្រីជាអ្នកស្រុកញូវយ៉កនេះ ត្រូវបានគេជឿថា នាងពុំសង្ឃឹមអាចរស់បានទេ ពីហេតុការណ៍ដ៏រន្ធត់នេះ ខណៈនាងកំពុងស្ថិតក្រោមការវះកាត់ឆ្អឹងខ្នង នៅឯមន្ទីរពេទ្យថៃមួយ ។
បន្ទាប់ពីរយៈពេលជាង១ឆ្នាំ នៃការព្យាបាលរាងកាយដ៏យកចិត្តទុកដាក់ នាងអាចដើរបានជាមួយឈើច្រត់ និងជើងដែកជំនួយ (leg braces) ។ ទោះយ៉ាងណា នាងនៅតែពុំអាចមានអារម្មណ៍ដើរដឹងអំពីជើងរបស់នាង ខណៈពឹងជាមួយឈើច្រត់ ។
ប៉ុន្តែ ឥឡូវនេះ Gavios បានសម្រេចចិត្តទទួលយការប្រកួតប្រជែងដ៏ធំបំផុតមួយ តាមរយៈការរត់ម៉ារ៉ាតុងក្នុងទីក្រុងញូវយ៉ក នៅថ្ងៃទី០៤ ខែវិច្ឆិកា ខាងមុខនេះ ។
បច្ចុប្បន្ន នាងកំពុងប្រឹងប្រែងហ្វឹកហាត់យ៉ាងខ្លាំង ៦ ម៉ោងក្នុង១ថ្ងៃ សម្រាប់ការរត់ម៉ារ៉ាតុង ឆ្លងកាត់សង្កាត់ចំនួន៥ នៅក្នុងទីក្រុងញូវយ៉ក ដែលជាព្រឹត្តិការដ៏ធំបំផុតនៅក្នុងពិភពលោក ៕
ដោយ៖ ចន្ទី
ប្រភព៖ honey.nine.com.au
