តួកគីជឿជាក់ថា Arab Saudi បានរៀបចំមនុស្សឱ្យដើរតួបន្លំជាអ្នកកាសែត Jamal Khashoggi ។
CNN បានដកស្រង់សម្តីរបស់អយ្យការតួកគី និយាយថា ឈ្មោះMustafa al-Madani ដែលជាជនល្មើសម្នាក់ក្នុងចំណោមឧក្រិដ្ឋជន១៥នាក់ ទាក់ទងដល់ករណីធ្វើឃាតអ្នកកាសែតJamal Khashoggi បានដើរតួបន្លំរូបលោក ត្រូវបានរកឃើញក្នុងកាមេរ៉ាសន្តិសុខនាទីក្រុង Istanbu ប៉ុន្មានម៉ោងក្រោយពេលអ្នកកាសែតរូបនេះបានដើរចូលស្ថានកុងស៊ុល Arab Saudi ។
ពួកអ្នកស៊ើបអង្កេតតួកគីអះអាងថា al-Madani មានអាយុ កម្ពស់ និងរាងរៅដូចKhashoggi ដែរ។
មន្ត្រីអយ្យការខាងលើប្រកាសថា ការវាយតម្លៃរបស់យើងខ្ញុំគ្មានអ្វីប្រែប្រួលទេ។នេះគឺជាករណីធ្វើឃាតមួយត្រូវបានរៀបចំផែនការជាយូរមកហើយ ហើយសាកសពរបស់អ្នកកាសែតKhashoggi ត្រូវបានបញ្ជូនចេញផុតពីស្ថានកុងស៊ុល។
ចំណែកArab Saudi វិញ តាមប្រភពមន្ត្រីជាន់ខ្ពស់មិនបញ្ចេញឈ្មោះឱ្យដឹងថា ការស្លាប់របស់អ្នកកាសែតរូបនេះ គឺស្ថិតនៅក្រៅបំណងប្រាថ្នារបស់ពួកគេ។
ពេលនេះក្រុមអ្នកស៊ើបអង្កតកំពុងស្វែងរកសាកសពរបស់លោក Khashoggi៕លីសា