តាកែវ៖ ទីតាំងល្បែងស៊ីសងជល់មាន់ខុសច្បាប់មួយកន្លែងឋិតនៅភូមិត្រាពាំងសាប ឃុំកណ្តឹង ស្រុកបាទី ខេត្តតាកែវ ត្រូវបានកងកំលាំងនៃគណៈបញ្ជាការឯកភាពខេត្តដឹកនាំដោយឯកឧត្តម ឡាយ វណ្ណៈ អភិបាលខេត្តតាកែវ សម្របសម្រួលនីតិវិធីដោយព្រះរាជ្ញារងអមសាលាដំបូងខេត្តបាន ចុះបិទ និងរុះរើនៅរោងប្រជល់មាន់ខុសច្បាប់មួយកន្លែងនៅស្រុកបាទីនោះចោល ដើម្បីជាការឆ្លើយតបទៅនឹងពាក្យបណ្តឹងរបស់បងប្អូនប្រជាពលរដ្ឋនៅក្នុងមូលដ្ឋាន ក្នុងកិច្ចការពារសុវត្តិភាពភូមិឃុំរបស់ពួកគាត់ ។
សូមបញ្ជាក់ផងដែរថា ក្នុងការចុះមកបិទទៅលើទីតាំងជល់មាន់ និងល្បែងស៊ីសងខុសច្បាប់នេះដែរ គឺបានធ្វើឡើងនៅថ្ងៃទី ៣ ធ្នូ ២០១៧ ក្នុងនោះក្រុមកំលាំងចម្រុះរបស់គណៈបញ្ជាការឯកភាពខេត្តបានមកដល់ទីតាំងនេះដោយដកហូតបាន មាន់ជល់ចំនួន ៦ក្បាល សម្ភារៈល្បែងស៊ីសង តុអាប៉ោង និងក្រដាសផ្នាល់ចាក់មាន់ជាច្រើនផងដែរ ។ បើតាមការរាយការណ៏របស់ប្រជាពលរដ្ឋទីតាំងជល់មាន់នេះជាទីតាំងជល់មាន់មួយដ៏ធំ ហើយនៅរាល់ថ្ងៃពិសេសៗគឺមានមនុស្សយកមាន់មកប្រជល់ដូចជាដង្ហែកឋិនអញ្ចឹង ។
ថ្លែងនៅក្នុងការចុះបិទទីតាំងប្រជល់មាន់ដ៏ធំនេះដែរ ឯកឧត្តម ឡាយ វណ្ណៈ អភិបាលខេត្តតាកែវ បានប្រាប់ក្រុមអ្នកសារព័តមានអោយដឹងថា ចាត់តាំងពីពេលដែលម្ចាស់ទីតាំងបើកទីតាំងជល់មាន់ខុសច្បាប់នេះមក អាជ្ញាធរស្រុកបានធ្វើការកោះហៅម្ចាស់ទីតាំងនេះ ដោយអោយបញ្ឈប់នៅសកម្មភាពបើកកន្លែងប្រជល់មាន់ខុសច្បាប់នេះជាបន្ទាន់ ហើយនិងបានធ្វើការអប់រំណែនាំដល់ពួកគាត់ថែមទៀត ពីព្រោះថាស្របតាមគោលនយោបាយភូមិឃុំមានសុវត្តិភាព គឺមិនអាច បើកល្បែងស៊ីសង ជល់មាន់នេះបានទេ ។ ក៏ប៉ុន្តែក្រោយពីអាជ្ញាធរស្រុកធ្វើការអប់រំណែនាំរួចហើយ គាត់នៅតែបន្តសាងសង់ និងបើកអោយមានការលេងល្បែងស៊ីសង និងប្រជល់មាន់បន្តទៀត ហើយក្នុងនោះមានការរាយការណ៏ប្តឹងពីសំណាក់បងប្អូនប្រជាពលរដ្ឋ ថា សកម្មភាពល្បែងជល់មាន់នោះនៅតែប្រព្រឹត្តិ បន្ថែមពីនោះម្ចាស់ទីតាំងនោះរឹតតែបន្ត ការសាងសង់រោង បង្កើតជាកន្លែងជល់មាន់ទ្រង់ទ្រាយធំ និងល្បែងស៊ីសង អាប៉ោង ផ្សេងៗជាដើម ។
ឯកឧត្តម ឡាយ វណ្ណៈ បានបញ្ជាក់ទៀតថា បន្ទាប់ពីមានការកក្លើនពីម្ចាស់ទីតាំងជល់មាន់ខុសច្បាប់នេះ ដោយធ្វើការអប់រំម្តងរួចមកហើយ នៅតែមិនស្តាប់ លោកបានបង្កើតនៅគណៈបញ្ជាការឯកភាពមួយដែលដឹកនាំដោយលោក អភិបាលរងខេត្ត បានធ្វើការចុះបង្ក្រាបទីតាំងនោះជាលើកទី២ តែម្ចាស់ទីតាំងនៅតែមិនក្លាចរអាជានិងអាជ្ញារធរខេត្តនោះឡើយ ថែមទាំងបានបោះសម្តីថា រូបគេនិងបើកទីតាំងជល់មាន់នេះអោយទាល់តែបាន អញ្ចឹងដើម្បីពង្រឹងនៅការអុវត្តន័នៅគោលនយោបាយ ភូមិឃុំមានសុវត្តិភាព ស្របជាមួយនិងពាក្យបណ្តឹងកាន់តែច្រើនរបស់បងប្អូនប្រជាពលរដ្ឋផងដែរនោះ និងការអប់រំចំនួន ២ដងកន្លងមកហើយ ដែលថ្នាក់ស្រុក និងថ្នាក់ខេត្ត បានអប់រំណែនាំរួចមកហើយ តែម្ចាស់ទីតាំងនេះនៅតែមិនបិទ អញ្ចឹងទេនៅក្នុងថ្ងៃនេះ រូបលោកដឹកនាំដោយផ្ទាល់ រួមជាមួយនិងកំលាំងគណៈបញ្ជាការឯកភាពខេត្តចុះមកបង្ក្រាប រុះរើ និងបិទទីតាំងនេះតែម្តង ។
ចំណែកម្ចាស់ដី ដែលជួលទីតាំងនេះអោយទៅក្រុមខិលខូចបើកល្បែងស៊ីសងខុសច្បាប់នោះ អាជ្ញារធរខេត្តបាន និងដាក់ពាក្យបណ្តឹងមួយប្តឹងទៅម្ចាស់ដី នោះទៅតុលការ ពីបទផ្តល់ទីតាំងអោយគេបង្កើតនៅទីតាំងល្បែងស៊ីសង់ខុសច្បាប់ ។ ក្នុងនោះឯកឧត្តម ឡាយ វណ្ណៈ បានបញ្ចាក់ថា លោកបន្ទាប់ពីធ្វើការរុះរើ និងចុះបិទតាំងនេះហើយ រដ្ឋបាលខេត្តតាកែវ និងដាក់ពាក្យបណ្តឹងប្តឹងយកដីដែលបានជួលបង្កើតជាទីតាំងល្បែងស៊ីសងនោះ មកជាសម្បត្តិរបស់រដ្ឋវិញ ហើយនិងស្នើសុំដីនេះ មកធ្វើជាទីតាំងដែលមានផលប្រយោជន៏ដែលជួយដល់សង្គមវិញ ដោយសុំបង្កើតជាកន្លែងបន្សាបគ្រឿងញៀនតែម្តង ។
លោក ស្រី សំបូរ មេឃុំកណ្តឹង បាននិយាយថា ចំពោះចំណាត់ការរបស់ឯកថ្នាក់លើ ដែលដឹកនាំដោយឯកឧត្តមអភិបាលខេត្តតាកែវ ក្នុងការចុះមកបិទទីតាំងល្បែងស៊ីសងខុសច្បាប់នេះ វាព្រាបបានដូចការ ដកបន្លាចេញពីទ្រូងរបស់រូបគាត់ និងបងបងប្អូនប្រជាពលរដ្ឋអញ្ចឹង ហើយលោកនិង ប្រជាពលរដ្ឋគាំទ្រ ទៅលើចំណាត់ការនេះ ពីព្រោះថា ភូមិឃុំដែលមានសុវត្តិភាព គឺមិនមានវង់ល្បែងស៊ីសងខុសច្បាប់នៅក្នុងមូលដ្ឋាននោះទេ ។ តាកែវ
