នេះជារឿងដ៏គួរឲ្យភ្ញាក់ផ្អើលមួយ ដែលធ្វើឲ្យមហាជនមានការហួសចិត្តយ៉ាងខ្លាំង ខណៈដែលប្តីប្រពន្ធវ័យក្មេង១គូ បានឈ្លោះប្រកែកគ្នាយ៉ាងខ្លាំងរហូតធ្វើឲ្យខាងស្រី សម្រេចចិត្តដើមមកប៉ុនប៉ងលោតទឹកសម្លាប់ខ្លួនតែម្តង ដោយគ្រាន់តែដោយសាររឿងដ៏ពុំនឹកស្មានមួយនេះ ។
យោងតាមទំព័រហ្វេសប៊ុក Shanghaiist បានបង្ហោះវីដេអូនៃហេតុការណ៍ដ៏រន្ធត់នេះ និងសរសេររៀបដំណើររឿងរ៉ាវរបស់ប្តីប្រពន្ធនេះឲ្យដឹងថា នៅក្នុងហេតុការណ៍ដ៏ភ្ញាក់ផ្អើលនេះ ដែលធ្វើឲ្យស្ត្រីជាប្រពន្ធវ័យក្មេងសម្រេចដើរមកលើស្ពានប៉ុនប៉ងសម្លាប់ខ្លួនបែបនេះ គឺដំបូង នាងបានទាមទារសុំប្តីឆែកមើលទូរស័ព្ទរបស់គាត់ និងបន្ទាប់មក នាងក៏បានចូលមកគំរាមលោតទឹកសម្លាប់ខ្លួនទីនេះតែម្តងទៅ បន្ទាប់ពីប្តីរបស់នាងនៅតែបដិសេធមិនឲ្យនាងសុំឆែកទូរស័ព្ទ ។
តាមរយៈវីដេអូ ខណៈនាងកំពុងស្រែកខ្លាំងៗទៅកាន់ប្តីរបស់នាង ដែលកំពុងស្ថិតនៅផ្នែកម្ខាងនៃស្ពានថ្មើរជើងនោះ អ្នកសង្គ្រោះម្នាក់ក៏បានឆ្មក់ចូលចាប់នាង ប៉ុន្តែ ត្រូវបាននាងដឹងខ្លួនគេចដើរចូលមកកណ្តាលស្ពាន ខណៈប្តីរបស់នាងកំពុងឈរនៅលើនោះប្រហែល២ម៉ែត្រពីគ្នា ។
ហេតុការណ៍នេះបន្ទាប់មក បានបង្ហាញឃើញស្ត្រីម្នាក់ដែលគេជឿថាអាចម្តាយរបស់នាង បានចូលមកលួងលោមចិត្តឲ្យវិលត្រឡប់ទៅទីកន្លែងសុវត្ថិភាពវិញ ខណៈក្រុមសង្គ្រោះនៅខាងក្រោមកំពុងត្រៀម ដើម្បីសង្គ្រោះនាង ។ ប៉ុន្តែ ខណៈនាងកំពុងរងសម្ពាធទាំងសងខាង ពីសម្រែកមនុស្សដែលណែនាំនាងកុំឲ្យធ្វើបែបនេះ ឆក់ឱកាសនោះ ប្តីរបស់នាងក៏ស្ទុះទៅចាប់នាងជាប់ ។
យ៉ាងណាមិញ ខណៈពេលនោះផងដែរ ក៏ឃើញមានប្រុសៗជាច្រើន បានចូលជួយគ្រប់គ្រងដល់បុរសជាប្តី ដែលកំពុងប្រឈមការលំបាកក្នុងការនាំយកនាងចេញពីលើស្ពាននោះ ។ ទីបំផុត ពួកគេបានគ្រប់គ្រងនាំយកនាងចេញផុតពីទីនោះដោយសុវត្ថិភាព ខណៈមនុស្សចោមរោមមើលទះដៃអបអរ និងសម្តែងការហួសចិត្តគ្រប់ៗគ្នាតែម្តង ៕ ដោយ៖ ចន្ទី
