អ្នកលេងហ្វេសប៊ុកម្នាក់ បានកំពុងធ្វើឲ្យមនុស្សជាច្រើនភ្ញាក់ផ្អើលយ៉ាងខ្លាំង និងលាន់មាត់គ្រប់ៗគ្នាថា «ចេះតែមាន! មិនដែលទេ!!» បន្ទាប់ពីអ្នកប្រើប្រាស់អ៊ិនធើរណែតរូបនេះបានបង្ហោះរូបភាពបង្ហាញសត្វក្រពើជាច្រើនក្បាល ដែលត្រូវបានចាប់ដាក់ទ្រុង និងសរសេរឡើងញាក់សាច់ថា លែងសត្វក្រពើចូលទន្លេសាប កុំឲ្យផុតពូជ និងដើម្បីបានបុណ្យ ។
បើតាមគណនីហ្វេសប៊ុកឈ្មោះ Moliya Moliya បានធ្វើការបង្ហោះរូបភាពបង្ហាញសត្វក្រពើជាប់ទ្រុងជាច្រើនក្បាល និងសរសេរយ៉ាងដូច្នេះថា៖ «គេធ្វើបុណ្យលែងសត្វចាប ត្រី អណ្តើក យើងធ្វើអោយប្លែកពីគេកុំអោយសាំគឺលែងសត្វក្រពើ?ជីវិតដូចតែគ្នាទេ បានបុណ្យដូចតែគ្នាទេ?លែងចូលទន្លេសាបកុំអោយដាច់ពូជ☺
តែប៉ុណ្ណេះបានបុណ្យយកមិនអស់?» ។
ទោះយ៉ាងណា យើងសង្ឃឹមថា នេះគ្រាន់តែជាការបង្ហោះសរសេរលេងសើចទៅចុះ និងជឿថា សត្វក្រពើចិញ្ចឹមទាំងនោះប្រហែលជាត្រៀមដឹកទៅកាន់កន្លែងកាប់សាច់តែម្តង ។ ចុះប្រិយមិត្តវិញ យល់ឃើញយ៉ាងណាដែរ?