គូដណ្ដឹងរបស់ Jamal Khashoggi អ្នកកាសែត Saudi Arabia ដែលស្លាប់ក្នុងស្ថានកុងស៊ុលប្រចាំតួកគី ទើបបានបង្ហោះលើបណ្ដាញសង្គមTwitter នូវពាកពេចន៍គួរឱ្យរន្ធត់ចិត្តចំពោះគូដណ្ដឹងត្រៀមរៀបការ។
Hatice Cengiz សរសេរថា៖ ពួកគេបានប្លន់យកវត្តមាននៃរាងកាយបងក្នុងពិភពលោករបស់អូន។ ប៉ុន្តែស្នាមញញឹមដ៏អស្ចារ្យរបស់បងនឹងស្ថិតក្នុងដួងចិត្តអូនជានិច្ច។ សង្សាររបស់អូនJamal Khashoggi !
Hatice Cengiz បានបង្ហោះផ្សាយវីដេអូមួយរបស់Jamal Khashoggi ដែលដកស្រង់ពីកិច្ចសម្ភាសក្នុងទូរទស្សន៍។ពេលដែលអ្នកកាសែតវ័យ៥៩ឆ្នាំនេះកំពុងបញ្ចេញមតិ ស្រាប់តែមានឆ្មាមួយក្បាលលោតចូលអង្គុយលើលោក ធ្វើឱ្យលោកផ្ទុះសំណើចយ៉ាងរីករាយ។
នាងHatice Cengiz គឺជាពលរដ្ឋតួកគី នាងបានជួបនឹងគូដណ្ដឹងខ្លួនជាលើកចុងក្រោយមុនពេលដែលលោកបោះជំហានចូលស្ថានកុងស៊ុល Saudi Arabia នៅIstanbul ដើម្បីយកលិខិតស្នាមសម្រាប់ពួកគេរៀបមង្គលការ។ស្ត្រីមេម៉ាយរូបនេះបានរង់ចាំនៅក្រៅស្ថានកុងស៊ុលជិត១១ម៉ោង ប៉ុន្តែគូដណ្ដឹងរបស់នាងគ្មានពេលនឹងបោះជំហានចេញវិញទេ។
បើតាម CNN លោកKhashoggi បានផ្តាំថា ក្នុងករណីមិនឃើញលោកចេញមកវិញ គឺឱ្យនាងទូរស័ព្ទទៅលោកTuran Kislakci ដែលជានាយកសមាគមឃោសនាSaudi Arabia និងតូកគី។
ពេលនេះបើតាមទីភ្នាកងារសារព័ត៌មានតួកគីនោះ Hatice Cengiz កំពុងត្រូវបានប៉ូលិសការពារ២៤ម៉ោងលើ២៤ម៉ោង៕សូយន
