នៅក្នុងរូបគេឃើញមនុស្សទាំងឡាយកំពុងអង្គុយលើម៉ូតូឈប់ចតស្ងៀមរង់ចាំផុតភ្លើងក្រហម ប៉ុន្តែបើសម្លឹងមែនទែន ស្រាប់តែឃើញម៉ូតូមួយចតស្ងៀម តែពុំឃើញម្ចាស់។
មើលឆ្វេងមើលស្តាំ ទើបដឹងមូលហេតុថាព្រោះតែមេឃក្តៅពេក នារីម្នាក់ដែលបំពាក់ឧបករណ៍ប្រឆាំងកម្តៅ កំពុងឈរនៅកាច់ជ្រុងផ្លូវក្រោមម្លប់ឈើ ភ្នែករបស់គាត់សម្លឹងមើលសញ្ញាភ្លើងស្តុប។
រឿងដែលគួរឱ្យអស់សំណើចនោះ ពេលដែលលេខសញ្ញាភ្លើងស្តុបនៅសល់១៨វិនាទី នាងបានរត់សំដៅម៉ូតូ រួចចាកចេញទៅបានល្មម។
គិតទៅនេះជាវិធីម្យ៉ាងដើម្បីគេចចេញពីកម្តៅថ្ងៃ ហើយក៏ជាសំណាងសម្រាប់នាងដែរដែលនៅទីនោះគ្មានប៉ូលិសចរាចរណ៍៕លីសា