នារីដ៏ស្រស់ស្អាតម្នាក់ កាលពីពេលថ្មីៗកន្លងទៅនេះ បានសម្រេចចេញវីដេអូទម្លាយរឿងដ៏ឈឺចាប់បំផុតក្នុងមួយជីវិត ដែលបានចាញ់បោកបុរសកំហូចម្នាក់ ដែលបានប្រើល្បិចដ៏គួរឲ្យជឿទុកចិត្តគ្រប់បែបយ៉ាង ដើម្បីឆក់យកព្រហ្មចារីយ៍របស់នាង រហូតធ្វើឲ្យមានកូនស្រីម្នាក់ ហើយបុរសរូបនេះមិនរវល់អើពើឡើយ និងសូម្បីបោះសម្តីថា ចង់ឡើងប្តឹងដល់ណាឡើងទៅ ព្រោះទឹកដីខេត្តឧត្តរមានជ័យ និងសៀម ជាន់ផ្អៀង ។
នារីដ៏អភ័ព្វម្នាក់នេះដែលមានអាខោនហ្វេសប៊ុកឈ្មោះថា Re Ya បានទម្លាយមុខមាត់ និងឈ្មោះពិតរបស់ប្រុសព្រាននារីកំពូលបោកប្រាស់នោះថា បុរសរូបនោះមានឈ្មោះ ឈឿង ហ៊ុន មានស្រុកកំណើតនៅស្រុកព្រៃឈរ ខេត្តកំពង់ចាម និងនៅខេត្តឧត្តរមានជ័យ ត្រូវបានគេហៅថា ឈឿង ស័ក្ក ។ ទោះយ៉ាងណា នាងពុំបានដឹងថា បុរសកំពូលដើរបោកស្រីៗដែលមានកូនប្រពន្ធរូបនេះ មានមុខរបររកស៊ីអ្វីខ្លះនោះទេ ។
ប៉ុន្តែ អ្វីដែលធ្វើឲ្យមហាជនជាច្រើនងឿងឆ្ងល់ចង់ដឹងថាតើបុរសរូបនេះមានមុខរបរអ្វី ហើយទឹកលុយច្រើន អាចដើរបោកប្រាស់ស្រីៗច្រើននាក់បែបនេះ ឥឡូវនេះ លេចធ្លាយហើយ គាត់គឺជាមេឈ្មួញដឹកជញ្ជូនឈើដ៏ល្បីឈ្មោះម្នាក់ នៅតំបន់នគរបាលវរៈការពារព្រំដែនគោក៧០២ ។
ការបែកធ្លាយនេះ គឺបន្ទាប់បុរសឈ្មោះ ឈឿង ស័ក្ក រូបនេះ ត្រូវបានសមត្ថកិច្ចចាប់ខ្លួននៅភូមិអូរស្វាយ ឃុំត្រពាំងតៅ ស្រុកអន្លង់វែង ខេត្តឧត្តរមានជ័យ ក្នុងករណីដែលគាត់បានធ្វើសកម្មភាពដឹកឈើផ្ទុកពេញក្នុងរថយន្ត១គ្រឿង ម៉ាកកាមរីពណ៌ស្លែ ដែលក្នុងនោះគឺសុទ្ធតែឈើប្រណីតៗតែម្តង ។
បើតាមសមត្ថកិច្ចបានឲ្យដឹងថា ម្ចាស់រថយន្តដែលមានឈ្មោះ ឈឿង ហ៊ុន ហៅ (ឈឿង ស័ក្ក) បានកំពុងដឹកឈើមកដល់ចំណុចនគបាលវរៈការពារព្រំដែន ៧០២ សង្កាត់ អូស្មាច់ ក្នុងគោលដៅបំរុងដឹកឈើទាំងនោះទៅស្តុកទុកនៅផ្ទះឈ្មោះ ណែម ដើម្បីបន្តដឹកចេញទៅកាន់ប្រទេសវៀតណាម ។
ក្រោយពីស្ទាក់ចាប់ថយន្តដឹកឈើនោះបាន ម្ចាស់រថយន្តក៍បានរត់គេចខ្លួនបាត់ស្រមោលតែម្តង ។ ហើយករណីនេះត្រូវបានដឹងថា ក៏មានលោកធំម្នាក់ច្រចាំខេត្តឧត្ដរមានជ័យ បានចេញមុខសំរួលក្នុងគោលបំណងយករថយន្តដែលដឹកឈើនោះទៅវិញផងដែរ តែសមត្ថកិច្ចមិនព្រមឲ្យ ។ ទោះយ៉ាងណា ទាំងរថយន្ត និងឈើប្រណីតទាំងនេះដែលមានតំលៃ ២៥០០ ដុល្លារ ត្រូវបានសមត្ថកិច្ចរក្សាទុកនៅរដ្ឋបាលព្រៃឈើស្រុកអន្លង់វែង ៕ ដោយ៖ ចន្ទី (ប្រភព៖ ហ្វេសប៊ុក)
ខាងក្រោមជាវីដេអូរបស់នារីរងគ្រោះទម្លាយចេញ និងរូបភាពដ៏ផ្អែមៗល្ហែមរវាងនាង និងឈ្មោះ ឈឿង ស័ក្ក កាលគ្រាទើបបានខ្លួនប្រាណនាងដំបូងៗ៖