បុរសប៉ាគីស្ថានម្នាក់ដែលរត់ចោលពីធីមង្គលការ បន្ទាប់ពីឃើញកូនក្រមុំរបស់គាត់មានដុះពុកមាត់ ត្រូវបានគេកាត់ទោសដោយធ្វើការវាយចំនួន ៩៩ខ្សែតី។
បុរសខាងលើមានឈ្មោះថា Dilip Sachdev មានអាយុ ១៩ឆ្នាំ។ គាត់នឹងត្រូវរៀបការជាមួយនិងស្ត្រីម្នាក់ឈ្មោះ Vandna Yadav ដែលមានវ័យ ១៧ឆ្នាំ នៅក្នុងខេត្ត Punjab ប៉ុន្តែនៅពេលពិធីមង្គលការគាត់បានធ្វើឡើងនៅថ្ងៃទី ២៣ ខែកញ្ញាកន្លងទៅនេះ គាត់បានរត់តែម្តង នៅពេលឃើញអនាគតភរិយារបស់គាត់មានដុះពុកមាត់ចម្លែក។
ដោយសារតែប្រពៃណីនៃសាសនា នៅក្នុងប្រទេសនេះ ការរៀបការតែងតែមានការរៀបចំទុកជាមុន ដោយក្រុមគ្រួសារ ហើយចំនែកអនាគតភរិយា និងស្វាមី មិនដែលបានជួបគ្នាសោះ។
នៅក្នុងពិធីមង្គលការ មានមនុស្សជាង ៣០០នាក់ចូលរួមមើល ហើយវាដំណើរការទៅបានយ៉ាងល្អ រហូតដល់កូនក្រមុំបានមកដល់កន្លែងរៀបការ ហើយភ្លាមៗនៅពេលកូនកំលោះ ឃើញកូនក្រមុំមានដុះពុកមាត់ចម្លែក គាត់ក៏បានរត់ចោលពិធីតែម្តង។
ពូរបស់កូនកំលោះ បានប្រាប់កាសែតក្នុងស្រុកឈ្មោះ Karachi Herald ដូច្នេះថា “ក្មួយប្រុសគាត់បានស្រែកយំ ដោយនិយាយថា នាងមានពុកមាត់ចម្លែក ហើយក៏ចាប់ផ្តើមរត់។ ពួកយើងព្យាយាមចាប់ឃាត់គាត់ ប៉ុន្តែគាត់រត់លឿនមែនទែន”។
កូនកំលោះខាងលើ បានរត់អស់រយៈពេល ៤ថ្ងៃ ហើយនៅថ្ងៃបន្ទាប់គេបានដឹងថា គាត់បានលាក់ខ្លួននៅក្រោយបង្គន់សាធារណៈ ហើយនឹងត្រូវគេនាំយកទៅផ្ទះវិញ។
ក្រុមគ្រួសារទាំងពីរ បានស្នើដល់ក្រុមប្រឹក្សាកុលសម្ព័នឲ្យកាត់ទោសបុរសវ័យក្មេងនោះ ដោយសារតែមិនផ្តល់កិត្តិយសដល់គ្រួសារ និងធ្វើការបោកប្រាស់ ដោយសារតែលុយថ្លៃបណ្ណាការត្រូវបានគេផ្តល់ឲ្យរួចរាល់ហើយ៕ សុភ័ក្ត្រ
ប្រភព៖ worldnewsdailyreport
