ខាងក្រោមជាគន្លឹះខ្លះៗសម្រាប់ជំនួយស្មារតីដល់អ្នកនិយមដាំផ្កាលំអរសួនគេហដ្ឋាន ។ល។
អ្នកទើបដាំ ប្រាកដជាពើបប្រទះនូវករណីដែលពុំដឹងកែច្នៃយ៉ាងដូចម្តេច ដើម្បីឲ្យដើមផ្ការឹងមាំ ស្លឹកផ្កាស្រស់បំព្រង គួរឲ្យគយគន់ ។ បញ្ហាដំបូងដែលត្រូវចងចាំនោះ ការដាក់បន្ថែមជីវជាតិត្រូវតាមកម្រិតកំណត់ពុំនោះសោធ ដើមវាបែរជា “ក្រិន” ផ្កាចេញមកពុំស្អាត ។
គន្លឹះសំខាន់ដែលអ្នកលក់ផ្កាមិនងាយប្រាប់គឺ ៖
១.ទឹកលាយជាមួយស្រាបៀរ ស្រោចស្រព ៖ ក្នុងសមាមាត្រ ១/៥០ ពោលគឺស្រាបៀរ ១លីត្រ ទឹក ៥០លីត្រ ។ នេះជាជម្រើសពេញនិយម ព្រោះវាជួយពង្រឹងដើម បង្កើនទិន្នផល “ផ្កា” និងសុខភាពរបស់រុក្ខជាតិនិយាយរួម ។
បញ្ហាព្រោះថា ៖ ស្រាបៀរផ្គត់ផ្គង់ Carbonhydrate ចាំបាច់សម្រាប់ចិញ្ចឹមពួកសត្វល្អិតមានប្រយោជន៍ក្នុងដី ហើយសារធាតុខ្លះទៀតជួយដល់សុខភាពដើមតែម្តង ។
២.បន្ថែមទឹកខ្មេះ ក្នុងទឹកស្រោចស្រព ៖
ផ្កាជាច្រើនរួមទាំងអ័រគីដេ វានិយមសារធាតុជូរ ។ ពេលទិញមកដាំ ស្រាប់តែមួយរយៈក្រោយឃើញសុខភាពរបស់ពួកវាអន់ជាងមុន គឺគប្បីបន្ថែមកម្រិតជូរឲ្យវាភ្លាម ។ សមាមាត្រពី ១/១០០ មានន័យថា ទឹកខ្មេះ១លីត្រ ទឹក ១០០លីត្រ ។ គប្បីដឹងថាក្រៅពីបង្កើនកម្រិតជូរដល់ដី វានៅផ្តល់បន្ថែមបរិមាណដែកមួយចំនួនថែមទៀត ។ ក្នុងករណីអ្នកជ្រុលដៃដាក់កំបោរ (កម្ចាត់សត្វល្អិត) ច្រើននោះ ចម្រុះទឹកខាងលើនឹងជួយឲ្យមានតុល្យភាព PH របស់ដីឡើងវិញ ។ វិធីសាស្ត្រនេះគប្បីអនុវត្ត១ខែម្តងប៉ុណ្ណោះ ។
៣.ពេលស្រោចទឹកបន្ថែម កុំ “ភ្លេច” ដាក់ថ្នាំ Aspirin 2-3គ្រាប់
យកថ្នាំ Aspirin ឬ B12 2-3គ្រាប់ មកកិនឲ្យម៉ត់ មកកូរលាយជាមួយ ។ Aspirin និងអ៊ុយរ៉េ នឹងផ្តល់សារធាតុអំបិល រ៉ែសរីរាង្គជួយឲ្យដើមធំផ្កាច្រើន ហើយល្អៗ ។
បញ្ជាក់បន្ថែមថា Aspirin មានផ្ទុកអាស៊ីត Salicylic ជួយជំរុញឲ្យចេញឫសច្រើន ហើយជួយកម្ចាត់ ពពួកផ្សិតច្បាមរុក្ខជាតិទៀតផង ៕ ចន្ទ្រា