ដោយពុំចង់រំខានដល់ម្ចាស់ហាងស៊ុប (សុំមិនបញ្ចេញយីហោ) កំពុងដុះដូចផ្សិតនៅស្រុកយើងបច្ចុប្បន្ននេះ សូមលើកឡើងហើយបញ្ជាក់ថា វាជាហាងស៊ុប “នាំចូលពីបរទេស” នៅក្នុងខណ្ឌទួលគោក ។
រឿងរ៉ាវគឺ ៖ ពួកយើងបានហៅស៊ុប១ឆ្នាំ បន្លែ បង្គារ និងសាច់ ព្រមទាំងគ្រឿងសមុទ្រ ។
បញ្ហាស្ថិតត្រង់គ្រឿងសមុទ្រនោះឯង ។ តាមពិតទៅមិនចង់រំលឹកទេ តែចង់ចែករំលែកឲ្យប្រិយមិត្តសើចលេងប៉ុណ្ណោះ ។
នោះគឺពេលដែលយើងលូកចង្កឹះចាប់យកគ្រឿងសមុទ្រមានមឹកដាក់ចូល (គិតថាវាក្រឆ្អិន) ។
រង់ចាំមួយសន្ទុះធំយើងក៏ចាប់យកមឹកមកដាក់ចានក្មេងៗ ស្រាប់តែពួកវាថា ពុំមែនទេ ហើយថាយើងលេងបន្លំភ្នែករបស់វា ។ ពួកវាបានចង្អុលទៅមឹកក្នុងចានដែលនៅស្រស់ ចាត់ទុកជាភស្តុតាង “មិនអាចប្រកែកបាន” ។
ទោះបីជាប្រឹងពន្យល់ថា កាលណាត្រូវទឹកក្តៅគឺវារួមតួច ១/៤ ដូច្នេះឯងញ៉ាំទៅ ឆ្ងាញ់ណាស់ ! ។ ទោះយ៉ាងណា ក្នុងក្រសែភ្នែកពួកវា បានបង្ហាញច្បាស់ថា វា “មិនជឿដាច់ខាត” ។
បន្ទាប់មកយើងក៏ចាប់បង្គារស្រស់ៗ មកដាក់ចូលហើយនឹកក្នុងចិត្តថា អាចកើតមានករណី “ប្រែក្លាយ” ដូចខាងលើទៀត ប្រាកដជាកុនហើយ ។ មែន! បង្គារបានស្រកគីឡូប្រមាណ ១/៣ ។ អ្វីៗកើតឡើងនោះ ប្រិយមិត្តប្រាកដជាយល់ហើយ ។
ខ្ញុំបានសាកសួរអ្នកមានពិសោធន៍ខាងអាហារសមុទ្រ គេប្រាប់ថា ៖ “មឹកទាំងនោះអាចត្រូវប៊ូមបញ្ចូលទឹក ត្រាំទឹកកក ឬក៏អាចប៊ូមបន្ថែមចាហួយចូល ហេតុនេះពេលប៉ះទឹកក្តៅប្រាកដជាត្រូវរួញតូចមកវិញ ព្រោះអ្វីដែលប៊ូមបញ្ចូលវាហូរចេញក្រៅអស់!” ។
រឿងមានតែប៉ុណ្ណឹង ប្រិយមិត្តជួយឲ្យយោបល់! តែយ៉ាងណាខ្ញុំសូមរៀងហើយ ហើយ…គ្រឿងសមុទ្របើមិនឃើញផ្ទាល់ថានៅរស់ទេនោះ! ៕ ចន្ទ្រា
