ខេត្តព្រះសីហនុ ៖ ប្រធានអង្គភាពរដ្ឋាករទឹកខេត្តព្រះសីហនុ លោក ផន រតនៈ បានឲ្យបណ្តាញផ្សព្វផ្សាយព័ត៌មានឲ្យដឹងថា បច្ចុប្បន្ននេះខេត្តព្រះសីហនុ កំពុងជួបការខ្វះខាតទឹកស្អាតប្រើប្រាស់ប្រចាំថ្ងៃ។ លោកបន្តថា ក្នង១ថ្ងៃម ប្រជាពលរដ្ឋក្នុងក្រុងអាចខ្វះខាតទឹកចន្លោះ ពី ៤ ទៅ ៦ពាន់ម៉ែត្រគូប។
ត្រង់ចំណុចនេះ លោក ផន រតនៈ បញ្ជាក់ថា មូលហេតុនៃការខ្វះខាតទឹកស្អាតប្រើប្រាស់នាខេត្តព្រះសីហនុ ដោយសារមូលដ្ឋាននេះ មានការអភិវឌ្ឍន៍ និងការវិនិយោគយ៉ាងគំហុក ក្នុងប៉ុន្មានឆ្នាំចុងក្រោយនេះ។
លោកប្រធានរដ្ឋាករទឹកខេត្តព្រះសីហនុ ឲ្យដឹងថាបន្តថា ទឹកស្អាតសម្រាប់ប្រជាពលរដ្ឋប្រើប្រាស់រាល់ថ្ងៃនេះ គឺរដ្ឋាករទឹកបានទិញពីក្រុមហ៊ុនអានកូចំនួន ៩៥ភាគរយ និងផលិតខ្លួនឯងចំនួន ៥ភាគរយ។ ហើយក្រុមហ៊ុនអានកូ បានផលិតទឹកស្អាត ដែលយកទឹកធម្មជាតិពីតំបន់ក្បាលឆាយ។
លោកបន្តថា ក្នុងមួយថ្ងៃៗ អង្គភាពរដ្ឋាករទឹក បានចែកចាយទឹកស្អាតជូនប្រជាពលរដ្ឋចំនួន ៣២,០០០ម៉ែត្រគូប ខណៈ ២៦,០០០ម៉ែត្រគូប ទិញពីក្រុមហ៊ុនអានកូ និង ៦,០០០ម៉ែត្រគូប រដ្ឋាករទឹកខេត្តផលិតដោយខ្លួនឯង។
យ៉ាងនេះក្តី លោក ផន រតនៈ បញ្ជាក់ថា ចំនួននេះនៅតែមិនគ្រប់តាមតម្រូវការ របស់ប្រជាពលរដ្ឋ រស់នៅក្រុងព្រះសីហនុប្រើប្រាស់នោះទេ។
ទាក់ទិនបញ្ហានេះទាំង ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម ទាំងឯកឧត្តម យន្ត មីនអភិបាលខេត្តព្រះសីហនុ និងក្រុមហ៊ុន អានកូ បានខិតខំប្រឹងប្រែងរកវិធីដោះស្រាយ ជាពិសេសផ្តោតលើបញ្ហាបច្ចេកទេស ដើម្បីដោះស្រាយ តម្រូវការទឹកស្អាតជូនពលរដ្ឋ។
ព្រមជាមួយគ្នានេះ ខាងក្រុមហ៊ុនបានសន្យាថា នឹងបង្កើតរោងចក្រផលិតទឹកស្អាត ដែលអាចផលិត ទឹក ៦០,០០០ម៉ែត្រគូប ក្នុងមួយថ្ងៃៗ ឲ្យបានក្នុងឆ្នាំ២០១៨នេះ ប្រយោជន៍ ដើម្បីបញ្ចប់ការខ្វះទឹក ប្រើប្រាស់ ព្រោះដោយសារថាបច្ចុប្បន្ននេះ ទឹកនៅអាងធម្មជាតិក្បាលឆាយមានវិសាលភាពទេកច្រើនមិនខ្វះ៕ ដែន អយុធ្យា
