នេះជាទិដ្ឋភាពដ៏សោកសង្រេងមួយ ដែលយើងគ្រប់គ្នាឃើញហើយពិតជាអាណិតខ្លោចចិត្ត ចំពោះស្ថានភាពដ៏លំបាកវេទនាបំផុត របស់ប្អូនប្រុសម្នាក់នេះដែលពិការដៃទាំងពីរ ហើយត្រូវរស់នៅជាមួយដែលមានតែលោកតាចាស់ជរាម្នាក់ប៉ុណ្ណោះ ដោយពឹងតែទៅលើរបរដើររកក្តាម ខ្យង ត្រី នៅតាមវាលស្រែដើម្បីយកមកផ្គត់ផ្គង់ជីវភាពប្រចាំថ្ងៃតែប៉ុណ្ណោះ ។
ដោយមើលឃើញពីស្ថានភាពដ៏កំសត់ហួសថ្លែងនេះផងដែរ គណនីហ្វេសប៊ុក «ជាងហង្ស បាត់ដំបង» បានបង្ហោះរូបភាព និងវីដេអូពីសកម្មភាពរស់នៅប្រចាំរបស់ប្អូនប្រុសពិការម្នាក់នេះ ដោយសរសេរសំណូមពរឲ្យសប្បុរសជនទាំងក្នុង និងក្រៅស្រុក មេត្តាដាក់ទានជួយឧត្ថម្ភដល់ពួកគេទាំងពីរយ៉ាងដូច្នេះថា៖ «សូមមេត្តាកុំអូសរំលងអីជួយស៊ែបន្តយកតែបុណ្យទៅបងប្អូន ប្អូនប្រុសនៅខេត្តព្រៃវែងពិការដៃទាំង2រស់នៅពីនាក់បងប្អូនយ៉ងលំបាកបានសុំខ្ញុំអោយជួយគាត់ផង ខ្ញុំមិនអាចជួយអ្វីគាត់បានក្រៅពីជួយផុសដេីម្បីផ្សពផ្សាយជាពត៏មានអោយសប្បុរសជនបានឃេីញ បេីបងប្អូនណាចង់ជួយគាត់សូមទាក់ទងតាមលេខរបស់គាត់ផ្ទាល់ចុះ0969303839សូមអរគុណ!» ។
តាមរយៈវីដេអូ ប្អូនប្រុស វន់ វណ្ណា រស់នៅភូមិអង្កាញ់ ឃុំឈើកាច់ ស្រុកបាភ្នំ ខេត្តព្រៃវែង បានប្រាប់ដល់បងប្អូនសប្បុរសជនឲ្យដឹងថា សព្វថ្ងៃនេះ រូបប្អូនកំពុងរស់នៅតែម្នាក់ឯង ហើយបានបន្តជីវិតរស់មកទល់សព្វថ្ងៃនេះ អាស្រ័យដោយសារអ្នកជិតខាងមានក្តីអាណិតអាសូរផ្តល់បាយសម្ល និងជួយបញ្ចុកប៉ុណ្ណោះ ។ ប្អូនប្រុស វន់ វណ្ណា បានបន្តថា ដំបូងឡើយ គាត់មានបងស្រីម្នាក់បានរស់នៅជួយមើលថែ ប៉ុន្តែ ឥឡូវនេះ បងស្រីរបស់គាត់មានប្តីទៅរស់នៅខេត្តខាងប្តីហើយ ហេតុនេះ ប្អូនក៏បន្តរស់នៅតែម្នាក់យ៉ាងលំបាកវេទនាបែបនេះទៅតាមយថាកម្ម ។
ជាមួយការស្ថានភាពដ៏លំបាកនាពេលសព្វថ្ងៃនេះផងដែរ ប្អូនប្រុស វន់ វណ្ណា ក៏សូមលើកដៃសំពះអង្វរដល់សប្បុរសជនទាំងក្នុង និងក្រៅស្រុក មេត្តាជួយឧត្តម្ភ ដែលយ៉ាងហោចណាស់ក៏បានដៃសប្បនិម្មិត ដើម្បីអាចជួយសម្រាលការលំបាកបានខ្លះ ៕ ដោយ៖ ឧត្តម