គ្រោះថ្នាក់នេះបានកើតឡើងនៅស្ថានីយMetro Repubblica នាទីក្រុងRome ប្រទេសអ៊ីតាលី កាលពីថ្ងៃទី២៣តុលា។ស្ថានទូតរុស្ស៊ីនៅអ៊ីតាលីឱ្យដឹងថា មានមនុស្ស៣០នាក់រងរបួស ក្នុងនោះមាន៧នាក់រងរបួសធ្ងន់ ។ជនរងគ្រោះភាគច្រើនជាពលរដ្ឋរុស្ស៊ី ដែលធ្វើដំណើរទៅទស្សនាការប្រកួតបាល់ទាត់ Champions League ។
តាមអភិបាលក្រុង Virginia Raggi ឱ្យដឹងថា សាក្សីដែលនៅក្បែរនោះបាននិយាយថា៖ មុនពេលជណ្ដើរយន្តមាន ល្បឿន គេឃើញភ្ញៀវទាំងនោះនាំគ្នាលោតរាំលើជណ្ដើរនេះ។នៅពេលដែលជណ្ដើរយន្តចាប់ផ្តើមបង្កើនល្បឿន វាបានច្រានមនុស្សឱ្យគរពីលើគ្នាមួយពុំនូក ខណៈពេលដែលមនុស្សខ្លះបានលោតចេញ។
នាយកផ្នែកសង្គ្រោះ Giampietro Boscaino ឱ្យដឹងថា ៖«ពេលទៅដល់ យើងខ្ញុំបានឃើញមនុស្សដេកគរលើគ្នាមួយពុំនូកធំនៅជើងជណ្តើរយន្ត ។ អ្នកដែលស្ថិតនៅខាងលើបាន ស្រែកឱ្យគេជួយ។ពួកគេរងរបួសធ្ងន់ណាស់ ។
បច្ចុប្បន្នស្ថានីយម៉េត្រូ(រថភ្លើងក្រោមដីបានត្រូវបិទទ្វារ។អ្នកស៊ើបអង្កតពុំទាន់ប្រាប់ពីមូលហេតុនោះទេ៕សូយន
គប្បីប្រយ័ត្នការជិះជណ្តើរយន្ត
