កោះ Charles របស់អាមេរិក ត្រូវបានចាត់ទុកថា មានកំណប់ទ្រព្យមហាសាល ត្បូងពេជ្រ កែវកង ចរណៃ… ។ ប៉ុន្តែកោះនេះបានជាប់ “ជំពាក់នឹងបណ្តាសារ ដ៏អាថ៌កំបាំង ៣ ធ្វើឲ្យគ្មានអ្នកណាបានប៉ះពាល់កំណប់ទ្រព្យនោះបានឡើយ ។ មានអ្នកខ្លះត្រូវបានឲ្យឆ្កួតវង្វេង ហើយស្លាប់ក្នុងមន្ទីរពេទ្យ… ឆ្កួតទៀតផង ។
កោះនេះស្ថិតនៅ Connecticut អាមេរិក ។ កោះ Charles ជាទីកន្លែងល្បីល្បាញមួយ ក្នុងមជ្ឈដ្ឋានអ្នកប្រមាញ់ស្វែងរកកំណប់ទ្រព្យ ។ ទីនេះត្រូវបានគេដឹងពីបណ្តាសារកោះឃ្លាំងទ្រព្យ Charles ក៏ជាហេតុបណ្តាលឲ្យពុំទាន់មានអ្នកណាហ៊ានប៉ះពាល់ដល់ឃ្លាំងទ្រព្យ ដ៏មានតម្លៃមហាសាលនេះ ។
ជាក់ស្តែងកាលពីជំនាន់ដើម មេកុលសម្ព័ន្ធ Paugussett បានដាក់ចេញពាក្យបណ្តាសារកោះ Charles ថា ជាទឹកដីរបស់ព្រះអាទិទេព ។ ហេតុនេះគ្មានអ្នកណាអាចសាងសង់ផ្ទះ លើកោះនេះបានទេ ។ អ្នកណាហ៊ានបំពាន នឹងទទួលយកបណ្តាសារនោះភ្លាម ។
ទោះបីមានបណ្តាសារនេះក្តី មនុស្សមួយចំនួនបានឡើងលើកោះនេះ សាងសង់ផ្ទះសម្បែងដើម្បីរស់នៅ ។ ប៉ុន្តែផ្ទះដែលត្រូវបានសាងសង់នោះ បានដួលរលំមិនយូរប៉ុន្មានក្រោយមក ។ គ្មានអ្នកណាអាចរស់នៅបាន ចុងក្រោយក៏នាំគ្នាចាកចេញអស់ ។
កោះ Charles ត្រូវបានដាក់បណ្តាសសារជាលើកទី២ ។ នេះជាពាក្យបណ្តាសាររបស់មេចោរសមុទ្រ William Kidd ពេលឡើងមកកោះនេះ នៅឆ្នា ១៦៩៩ ។
គេជឿថា ពេលទៅដល់កោះ Charles មេចោរសមុទ្រ William Kidd បាននាំយកទ្រព្យសម្បត្តិ ដ៏មានតម្លៃប្លន់បានជាច្រើនទៅកាន់ទីនោះ ។
William Kidd បានកប់កំណប់ទ្រព្យទុកនៅកោះនោះ មុនពេលត្រូវបានគេចាប់ខ្លួន នាំយកទៅកាត់ទោស ។ មុនពេលចាកចេញពីកោះ William Kidd បានស្រែកដាក់បណ្តាសារថា អ្នកណារកឃើញកំណប់ទ្រព្យនេះ នឹងត្រូវស្លាប់ ។
កោះ Charles ត្រូវបានរងបណ្តាសារលើកទី ៣ ដោយអធិរាជ Mexico Montezuma ។ ស្តេចអង្គនេះក៏ត្រូវគេជឿថា បានកប់កំណប់នៅលើកោះនេះ មុនពេលដែលត្រូវពួកអេស្បាញនាំខ្លួនយកទៅ ។ ព្រះអង្គបានដាក់បណ្តាសារឲ្យស្លាប់បើហ៊ានប៉ះពាល់ដល់អ្នកណាដែលហ៊ានរុករកកំណប់ទ្រព្យនោះ ។
ទោះបីរងទារុណកម្មយ៉ាងណាក្តី ក៏ព្រះចៅអធិរាជ Montezuma ដាច់ខាតមិនចង្អុលប្រាប់ពីកន្លែងលាក់កំណប់ទ្រព្យនោះ ។ កាត់បានរក្សាអាថ៌កំបាំងនេះរហូតដល់អស់ព្រះជន្មនៅឆ្នាំ ១៥២៥ ។
គេបានដំណាលតគ្នាថា មានជនប្រមាញ់រុករកកំណប់ទ្រព្យ២នាក់ បានរកឃើញកេសមួយគិតថា មានទ្រព្យសម្បត្តិនៅក្នុងនោះនាឆ្នាំ ១៨៥០ ។ ប៉ុន្តែនៅពេលពួកគេ បើកកេសនេះឡើងស្រាប់តែឆ្អឹងលលាដ៍ក្បាលមួយបានឆាបឆេះសន្ធោសន្ធៅ ធ្វើឲ្យពួកគេលោះព្រលឹង ។
ក្រោយមកជនទាំង ២ បាន “ឆ្កួត” ហើយបញ្ចប់ជីវិតក្នុងមន្ទីរពេទ្យឆ្កួតទៅ ៕
ចន្ទ្រា
