តាមការវាយតម្លៃរបស់ជំនាញការធនាគារពិភពលោក សង្គ្រាមពាណិជ្ជកម្មរវាងមហាអំណាចសេដ្ឋកិច្ចទាំងពីរ អាមរិក-ចិន ជះឥទ្ធិពលជាបថមដល់ពលរដ្ឋប្រទេសទាំងពីរនោះ ប៉ុន្តែខឿនសេដ្ឋកិច្ចនៃប្រទេសមួយចំនួនបែរជាមានឱកាសទទួល បានប្រយោជន៍ជាច្រើន។
តាម Quartz, លទ្ធផលស្រាវជ្រាវថ្មីបំផុតរបស់អ្នកជំនាញការសេដ្ឋកិច្ច Massimiliano Cali ធ្វើការនៅធនាគារពិភពលោក (World Bank) បង្ហាញឱ្យឃើញថា ប្រសិនបើគោលនយោបាយដំឡើងពន្ធរបស់អាមេរិក ប្រព្រឹត្តទៅតាមកម្មវិធីគ្រោងទុកនោះ ជញ្ជីងពាណិជ្ជកម្មនាំចូលទំនិញចិនរបស់អាមេរិកនឹងថយចុះ៧០.០០០លានដុល្លារ ឬប្រមាណ ១៣,៤ភាគរយ នៃទំនិញចិននាំចូលអាមេរិក ហើយ៣ភាគរយដែលអាមេរិកនាំចូលទៅចិន។
មុខទំនិញដែលរងផលប៉ះពាល់ខ្លាំងបំផុតគឺ៖ គ្រឿងអេឡិចត្រូនិក គ្រឿងម៉ាស៊ីនគ្រឿងប្រើប្រាស់និងលំអគេហដ្ឋាន ព្រមទាំងរថយន្ត។
អ្នកជំនាញការ Cali បានធ្វើការគណនាប្រៀបធៀបអំពីមុខទំនិញទាំងឡាយរបស់ចិនត្រូវបានវាយពន្ធធ្ងន់នោះ នោះនឹងត្រូវបានជំនួសដោយទំនិញមកពីប្រទេសណា។ ឧទាហរណ៍៖ កៅអីដែលចិននាំចេញទៅអាមេរិកមានតម្លៃ ប្រមាណ៤០០លានដុល្លារ ប្រទេសវៀតណាមក៏នាំចូលផលិតផលស្រដៀងគ្នានេះដែរ ហេតុនេះគេអាចក្លាយជាជម្រើសផ្គត់ផ្គង់ទំនិញខាងលើ។
តាមរយៈការគណនាប្រៀបធៀបនោះ អ្នកជំនាញការសេដ្ឋកិច្ចរូបនេះបានរៀបចំជាតួលេខស្ថិតិអំពីប្រទេសផ្គត់ផ្គង់ថ្មី ជំនួសឱ្យទំនិញមកពីចិន ផ្អែកតាមសមាមាត្រភាគរយនៃ GDP (ផលិតផលក្នុងស្រុកសរុប) បង្ហាញឱ្យឃើញថា ប្រទអេសវៀតណាមទទួលបានប្រយោជន៍ច្រើនជាងគេបំផុតក្នុងការផលិតទំនិញជំនួសចិន ដែលមានតម្លៃប្រហាក់ប្រហែលនឹង 4,4% GDP ។
ហ្វីលីពីនឈរនៅលំដាប់ទី២ ទទួលបានប្រយោជន៍ 4,1% GDP, ប្រទេសកម្ពុជាឈរនៅលំដាប់ទី៣ ទទួលបានប្រយោជន៍ 3,6% GDP ។
ក្នុងពេលនោះ ឥណ្ឌូណេស៊ីទទួលបានប្រយោជន៍តិចបំផុតពីសង្គ្រាមពាណិជ្ជកម្មនេះគឺត្រឹមតែ 1% GDP ប៉ុណ្ណោះ។
ស្របពលគ្នានោះ ប្រទេសមួយចំនួននឹងទទួលការខាតបង់យ៉ាងធ្ងន់ធ្ងរ។ ជាអាទិ៍តៃវ៉ាន់ បាននាំចេញវត្ថុធាតុដើម បរិក្ខារយ៉ាងច្រើនទៅកាន់បណ្ដារោងចក្រនៅចិនដើម្បីផលិតទំនិញនាំចេញទៅអាមេរិក។ ដូច្នេះសង្គ្រាមពាណិជ្ជកម្មនឹងធ្វើឱ្យ GDP តៃវ៉ាន់ថយចុះប្រមាណ២ភាគរយ៕លីសា
