ថ្មីៗនេះលើបណ្ដាញTwitterជប៉ុន បានជជែកវែកញែកពីរូបថតមួយសន្លឹកពីគណនី Twitterមាន nicknameគឹ @ Type96aoino ។រូបភាពនោះបង្ហាញឱ្យឃើញប៉ូលិសជប៉ុនពីរនាក់ដែលឈរធ្វើការនៅកណ្ដាលថ្ងៃ បានបដិសេធទឹកសុទ្ធត្រជាក់ស្រេងពីរដបដែលទាហានអាមេរិកម្នាក់ហុចឱ្យ។
ម្ចាស់គណនី Twitter បានសរសេរខ្លឹមសារដូចខាងក្រោម៖
ទាហានអាមេរិក៖ «អ្នកទាំងពីរប្រហែលជាស្រេកទឹក ហើយហុចទឹកឱ្យ!»
ប៉ូលិសជប៉ុន៖ សូមទោសពួក «ខ្ញុំកំពុងសិ្ថតក្នុងវេនបំពេញការងារ»
ទាហានអាមេរិក៖ «ពួកលោកប្រាកដជាមិនអីទេឬ?»»
ប៉ូលិសជប៉ុន៖ «មិនអីទេ យើងខ្ញុំមិនអីទេ»។
បើតាម Next Shark រូបភាពនេះត្រូវបានថតកាលពីខែកក្កដា ហើយប៉ូលិសជប៉ុនពីររូបកំពុងស្ថិតក្នុងវេនការពារច្រកចេញចូលនៃមូលដ្ឋានទ័ពអាកាសអាមេរិក។ អ្នកបើកបរយន្តហោះអាមេរិកមានបំណងចង់ជូនទឹកសូដា ទឹកក្រូចដល់ប៉ូលិសជប៉ុនផឹក ព្រោះពេលនោះមេឃក្តៅណាស់។
តាមបទបញ្ជារួមនៅជប៉ុន មន្ត្រីរដ្ឋការមិនត្រូវបានអនុញ្ញាតយកភេសជ្ជៈមកកាន់កន្លែងធ្វើការឡើយ ពិសេសប្រភេទភេសជ្ជៈមានពណ៌។មូលហេតុគឺដោយសារទង្វើបែបនេះត្រូវបានចាត់ទុកថាមិនអាជីព គ្មានភាពម៉ឺងម៉ាត់ ហើយអាចធ្វើឱ្យពួកគេបាត់ការប្រមូលផ្តុំចំពោះការងារ។ប៉ុន្តែពិតជាចម្លែក គ្រាដែលប៉ូលិសពីរនាក់នេះបង្ហាញពីការទទួលខុសត្រូវចំពោះការងារ បែរជាពុំសូវទទួលបានការស្ងើចសរសើរទៅវិញ។
មតិភាគច្រើនលើកឡើងថា ហេតុអ្វីក៏បែរជាបដិសេធសន្តានចិត្តល្អនេះ។ អ្នកឱ្យនិងអ្នកត្រូវគេឱ្យប្រាកដជាដក់ចិត្តនឹងភាពទង្វើរៀងខ្លួន។ តើការផឹកទឹកមួយដបនៅពេលដែលមេឃក្តៅហែង ហេតុអ្វីបានជាមិនត្រូវបានអនុញ្ញាត? ។ មតិលេចធ្លោមួយបានចោទសួរថា៖ តើពីពេលណាមកដែលយើងចាប់ផ្តើមរស់នៅក្នុងពិភពចម្លែកបែបនេះ៕
លីសា