តាម The Sun , Olga Vaori អាយុ ២៥ឆ្នាំ នៅ Surgut តំបន់ស្វយ័ត Khanty-Mansi ចំណុះតំបន់ Siberia រុស្ស៊ី បានប្រើកាំបិតចាក់ប្តីឈ្មោះ Oleg Smirnov ធ្លាយពោះ ត្រូវវះកាត់ទើបសង្គ្រោះជីវិតបាន ។
Vaori បង្ហោះរូបភាពចាក់ប្តីធ្លាយពោះឡើងបណ្តាញសង្គម ។
អមជាមួយរូបភាពនេះ នាងនៅបានសរសេរថា ៖ “ប្រិយមិត្ត! ខ្ញុំបានចាក់អតីតប្តីរបស់ខ្ញុំដោយកាំបិត ។ ខ្ញុំមើលទៅស្រដៀងសត្វចម្លែក” ។
Vaori សារភាពប្រាប់សមត្ថកិច្ចថា អតីតប្តីរូបនេះបានច្របាច់ករបស់នាង ក្រោយពីជម្លោះដ៏ខ្លាំងក្លាមួយ ។ យ៉ាងនេះក្តីនាងត្រូវបានឃាត់ខ្លួន និងរងការចោទប្រកាន់ថា ៖ “លើសពីស្ថានភាព ស្វ័យការពារខ្លួនស្របច្បាប់” ។
ទោះយ៉ាងណានាងត្រូវបានអនុញ្ញាតឲ្យនៅក្រៅឃុំ ព្រោះត្រូវមើលថែកូនស្រីអាយុ២ឆ្នាំ ។ ប្រសិនត្រូវកាត់ទោសនាងអាចជាប់គុក១ឆ្នាំ ៕
រូបភាពរបស់ Vaori លើបណ្តាញសង្គម ។
លីសា
