ពិតជាព្រៃផ្សៃ និងអសីលធម៌មែនទែន ខណៈយុវជនអាយុ ២០ឆ្នាំ នៅឥណ្ឌា រំលោភ ទោះបីគាត់មានព្រះជន្ម ១០០ឆ្នាំទៅហើយក្តី ។
ជនរងគ្រោះនៅមិនទាន់បាត់តក់ស្លុត ។
ហេតុការណ៍នេះកើតឡើង នៅភូមិមួយនាសង្កាត់ Nadia (រដ្ឋ Rengad ខាងលិច – ឥណ្ឌា) ខណៈពេលសាច់ញាតិជនរងគ្រោះឮស្នូរខ្សាវៗស្រែកឲ្យជួយរបស់យាយចំណាស់ ១០០ឆ្នាំ តែគេមិនបង្ហាញអត្តសញ្ញាណ ។
ពេលអ្នកផ្ទះស្ទុះចូលបន្ទប់លោកយាយ គេឃើញ Argla Biswas អាយុ ២០ឆ្នាំ រស់នៅក្នុងភូមិនោះដែរ កំពុងចូលលាក់ខ្លួនក្រោមគ្រែ ។ វាបានត្រូវចាប់ខ្លួនភ្លាម ។
កូនស្រីរបស់ជនរងគ្រោះប្រាប់ថា ៖ “ខ្ញុំបានឮស្នូរចម្លែក ។ ពេលអើតមើលតាមបង្អួច ក៏ឃើញម្តាយរបស់ខ្ញុំកំពុងយំ ហើយហៅឲ្យគេជួយ” ។ “ពួកខ្ញុំរត់ចូលក៏ឃើញជនដៃដល់សម្ងំពួនក្រោមគ្រែ” ។
គេបានបញ្ជូនគាត់ទៅមន្ទីរពេទ្យ តែពុំមានបង្ហាញអ្វីធ្ងន់ធ្ងរទេ ហើយក៏ត្រូវបានពេទ្យអនុញ្ញាតឲ្យវិលមកផ្ទះ១ថ្ងៃក្រោយមក ។ ប៉ុន្តែគាត់នៅមានការភ័យខ្លាចរន្ធត់មិនទាន់បាត់ ។
តាមប៉ូលិស លោកយាយសម្រាកម្នាក់ឯង ហើយទម្លាប់ក្នុងភូមិនេះគឺមិនចាក់សោរផ្ទះទេ ។ ជនល្មើសក៏ឆ្លៀតឱកាសតែម្តង ។
ជនល្មើសមានអាយុ ២០ឆ្នាំ ។
ជនល្មើសប្រាប់ប៉ូលិសថា ខ្លួនស្រវឹងស្រាជ្រុល ហើយលែងគ្រប់គ្រងខ្លួនឯងបាន មិនដឹងថាបានធ្វើអ្វីខ្លះ?
ជនល្មើសរង់ចាំការកាត់ទោស ប៉ុនតែសាធារណមតិសម្តែងការមិនពេញចិត្តចំពោះរដ្ឋអំណាច គ្រាដែលរឿងចាប់រំលោភពុំដែលស្ងប់ឡើយ នៅប្រទេសឈរលំដាប់ទី១ ខាង…រំលោភផ្លូវភេទនេះ ៕ ចន្ទ្រា
