ប៉ូលីសទីក្រុងញូវញ៉ក បានទៅពិនិត្យមើលភោជនីដ្ឋានចិនមួយកន្លែងក្នុងតំបន់ Chinatown បន្ទាប់ពីការស៊ើបអង្កេតបានបង្ហាញថា ម្ចាស់ភោជនីដ្ឋាននោះបានទាក់ និងសម្លាប់ឆ្កែនៅតំបន់ពួកគេដើម្បីធ្វើម្ហូបឲ្យភ្ញៀវ។
ក្រៅពីប៉ូលីស ក៏មានអង្ការធ្វើកិច្ចការផ្នែកសុវត្ថិភាពចំណីអាហារ និងសុខភាពសត្វ និងរុក្ខជាតិ ក៏បានទៅភោជនីដ្ឋាន White Lotus Royal Buffet ផងដែរដើម្បីពិនិត្យរកសាច់ឆ្កែ ហើយជាលទ្ធផល សាច់ឆ្កែមួយចំនួនធំ ត្រូវបានរកឃើញ និងត្រូវបានគេយកទៅកាន់មន្ទីរពិសោធន៍ ដើម្បីធ្វើការវិភាគ។
បើតាមអ្នកនាំពាក្យប៉ូលីសក្រុងញូវញ៉កឈ្មោះ Fred Jameson បានបញ្ជាក់ថា ម្ចាស់ភោជនីដ្ឋានឈ្មោះថា Tengdo Hueng បានទទួលស្គាល់ថា គាត់បានទាក់ឆ្កែពីតំបន់គាត់រស់នៅ ជាមួយនឹងកូនប្រុសអាយុ ១៦ឆ្នាំរបស់គាត់ ដើម្បីយកសាច់វាលក់ឲ្យភ្ញៀវ។
អ្នកនាំពាក្យប៉ូលីសដដែលបញ្ជាក់ថា “ពួកយើងបានរកឃើញសាច់ឆ្កែដែលកាប់ចេញពីឆ្កែយ៉ាងតិចចំនួន ៦ក្បាល ហើយដែលឆ្កែ ៣ក្នុងចំណោមនោះ ត្រូវបានគេរាយការណ៍ថាទើបតែបានបាត់ខ្លួនកាលពី ២អាទិត្យមុន។
សូមបញ្ជាក់ថា ឆ្កែអនាថាជាច្រើនក្បាលបានបាត់ខ្លួនយ៉ាងច្រើន នៅក្នុងតំបន់ Chinatown និង Little Italy ហើយកាលពីពេលថ្មីៗនេះ ឆ្កែសរុប ១២ក្បាលត្រូវបានគេរាយការណ៍ថា បានបាត់ខ្លួនផងដែរនៅក្បែរតំបន់នោះ៕ សុភ័ក្ត្រ
ប្រភព៖ worldnewsdailyreport