បន្ទាយមានជ័យ ៖ កម្លាំងនគរបាលជំនាញ ការិយាល័យប្រឆាំងគ្រឿងញៀន បានកសាងសំណុំរឿងបញ្ជូនជនសង្ស័យចំនួន២នាក់ទៅសាលាដំបូងខេត្តបន្ទាយមានជ័យ ពាក់ព័ន្ធករណីជួញដូរគ្រឿងញៀន។
លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា៖មានប្រជាពលរដ្ឋល្អបានរាយការណ៍មកកម្លាំងជំនាញផ្នែកប្រឆាំងគ្រឿងញៀន នៃអធិការក្រុងប៉ោយប៉ែតថា មានគេចែកចាញគ្រឿងញៀន នៅក្នុងបន្ទប់ជួលលេខ៥ នៅជានទី១ នៅចំណុតខាងកើតផ្សារត្រី ស្តិតនៅភូមិ បាលិលេយ្យ១ សង្កាត់/ក្រុង ប៉ោយប៉ែត ខេត្ត បន្ទាយមានជ័យកាលពីរសៀលថ្ងៃទី២៥ តុលា ២០១៨ កម្លាំងជំនាញបានទៅដល់ក៏សុំធ្វើការឆែកឆេរ រកឃើញឃាត់ខ្លួនជនសង្ស័យម្នាក់ ឈ្មោះ ភាព រក្សា ភេទប្រុស អាយុ២៥ឆ្នាំ ស្នាក់នៅភូមិ បាលិលេយ្យ១ សង្កាត់/ក្រុង ប៉ោយប៉ែត ខេត្តបន្ទាយមានជ័យ។ ជាមួយនឹងការចុះឆែកឆេរនេះ សមត្ថកិច្ច បានរកឃើញវត្ថុតាងរួមមាន៖ម្សៅក្រាមពណ៌សថ្លា១ កូនថង់ធំល្មម,ថ្នាំគ្រាប់ពណ៌ទឹកក្រូចមានអក្សរLV ចំនួន១៤៣គ្រាប់ កន្លះ, ថ្នាំគ្រាប់ពណ៌លឿងខ្ចីចំនួន ៣០គ្រាប់ មានអក្សរ រ៉ូឡិច,ថ្នាំគ្រាប់ពណ៌ខៀរខ្ចីចំនួន៩០គ្រាប់ មានអក្សរ រ៉ូឡិច, ថ្នាំដបកេតាមីន ចំនួន ៦១ដប, ជញ្ជីងសម្រាប់ថ្លឹងថ្នាំញៀងចំនួន ២, ថ្នាំបន្ទះចំនួន១ គ្រាប់, សម្បកដបកេតាម៉ីនចំនួន ៤៥៤ដប, គម្របដបកេតាម៉ីនមួយចំនួន រួមនិងប្រអប់ថ្នាំកេតាម៉ីនចំនួន ០៥ពណ៌ខៀវ, ថង់កិបមាត់សម្រាប់ច្រកគ្រឿងញៀនមួយចំនួន, ថង់ខ្មៅ មានរុំស្គុតចំនួន ០៤សម្រាប់ច្រក គ្រឿងញៀន, ឆ្នាំងសម្រាប់សម្ងួតថ្នាំញៀងចំនួន ០១ គ្រឿង, កេសក្រដាស់ដែលមានសរសេរលេខទូរស័ព្ទ ភ្នំពេញ ប៉ោយប៉ែតចំនួន ០២។
លោកអធិការបានបញ្ជាក់ថា៖ ដោយទទួលបានការសារភាព ពីឈ្មោះ ភាព រក្សា កម្លាំងនគរបាល ក៏បន្តទៅឃាត់ខ្លួនឈ្មោះ ធុន សុគន្ធា ភេទ ស្រី២៦ឆ្នាំ ស្នាក់នៅភូមិបាលិលេយ្យ២ សង្កាត់/ក្រុង ប៉ោយប៉ែត ខេត្តបន្ទាយមានជ័យ មុនរបរ បុគ្គលិកកាស៊ីណូ នៅចំណុចច្រកទ្វាអន្តរជាតិប៉ោយប៉ែត៕ ដោយ ៖ បញ្ញាស័ក្តិ
