យន្តហោះ Boeing 737 MAX 8 របស់ក្រុមហ៊ុនអាកាសចរណ៍ Lion Air (ឥណ្ឌូណេស៊ី) នៅព្រឹកម៉ិញនេះ ( ២៩/១០) ពេលកំពុងដឹកមនុស្សសរុប ១៨៨នាក់ ក៏ជួបគ្រោះថ្នាក់ លិចចុះក្នុងសមុទ្រ ។
បុគ្គលិកសម្របសម្រួលផ្លូវទឹកនៅ Tanjung Priok , Jakarta , ខាងជើង ឲ្យដឹងថា ៖ “វេលាម៉ោង ៧និង១៥នាទី ព្រឹក នាវាសណ្តោងមួយ រាយការណ៍ថា គេបានចូលកៀកកន្លែងកើតហេតុ ហើយនាវិកបានមើលឃើញបំណែក នៃយន្តហោះមួយគ្រឿង ។ ប៉ុន្តែដល់ម៉ោង ៩និង០០នាទី នៅពុំទាន់មានរបាយការណ៍ពីអ្នកដំណើរ និងអ្នកបើកបរទេ ។
នាវា ២ ផ្សេងទៀត (នាវាមួយដឹកប្រេង មួយទៀតដឹកអ្នកដំណើរ) នៅជិតនោះ ក៏បានចូលកៀកកន្លែងយន្តហោះជួបគ្រោះថ្នាក់ ។
ទីភ្នាក់ងារសារព័ត៌មានរុស្ស៊ី Spunick បានប្រមូលផ្តុំវីដេអូ និងរូបភាពខ្លះៗ នៃយន្តហោះជួបគ្រោះថ្នាក់ ។ តាមរយៈខ្សែវីដេអូ ដែលនាវាសណ្តោងថតបាននោះ គេឃើញស្លាកស្នាមប្រេងអណ្តែត រួមជាមួយសម្ភារៈឯកជន និងបំណែកតូចៗ ៕ ចន្ទ្រា
