ហេតុការណ៍បង្កការភ្ញាក់ផ្អើលនេះ ដែលបានកើតឡើងនៅ Semprna, Sabah ប្រទេសឥណ្ឌូនេស៊ី ត្រូវបានបង្ហោះផ្សាយកាលពីខែតុលា ឆ្នាំ២០១៧ ប៉ុន្តែ វាស្រាប់តែចាប់ផ្តើមរាលដាលម្តងទៀត នៅសប្តាហ៍នេះ ។
រូបភាព២ដែលបានបង្ហោះនៅលើបណ្តាញសង្គម នោះមួយបានបង្ហាញខ្ទើយម្នាក់ស្ថិតក្នុងស្ថានភាពចោមពុងសារ៉ុង និងមួយទៀតបង្ហាញបុរសម្នាក់អង្គុយនៅលើដី ខណៈមនុស្សប្រុសមួយក្រុមឈរព័ទ្ធជុំវិញ ដើម្បីរារាំងគាត់មិនឲ្យរត់ចេញ ។
ទោះយ៉ាងណា បន្ទាប់ពីធ្វើការស៊ើបអង្កេត នោះវេបសាយមួយចំនួនបានអះអាងថា បុរសនោះត្រូវបានគេចាប់វាយ មិនមែនដោយរឿងគាត់ប៉ុនប៉ងរំលោភទេ ប៉ុន្តែ គាត់បានព្យាយាមលួចទូរស័ព្ទដៃរបស់ខ្ទើយម្នាក់ ។ តើមួយណាឲ្យពិតប្រាកដទៅ!? ។
ទន្ទឹមនោះផងដែរ អ្នកលេងអ៊ីនធើរណែត ក៏បានចូលកែតម្រូវ admin ផេក ដោយខមិនថា ជនសង្ស័យប៉ុនប៉ងលួចទូរស័ព្ទរបស់ខ្ទើយម្នាក់ ខណៈពួកគេកំពុងងូតទឹក ហើយបុរសៗជាច្រើនក៏បានដេញតាមគាត់ ដើម្បីយកទូរស័ព្ទនោះ និងបន្ទាប់មកពួកគេក៏បានវាយគាត់ ។
ទោះបីករណីនេះពុំត្រូវបានបញ្ជាក់ថាតើបុរសនោះព្យាយាមរំលោភ ឬ លួច ក៏ដោយ តែទង្វើទាំងពីរនេះ គឺខុសច្បាប់ ហើយមិនគួរត្រូវបានអត់ឱនឲ្យធ្វើតាមវិធីណាមួយឡើយ ៕ ដោយ៖ ឧត្តម (ប្រភព៖ worldofbuzz)