រាជធានីភ្នំពេញ ៖ អាជីវករជាង176តូបនៅផ្សារឯករាជ២ ផ្ទុះការតវ៉ាជាមួយនឹងថៅកែផ្សារ ទាក់ទងនឹងការគៀបសង្កត់ បិទតូប បិទភ្លើងបិទទឹកតម្លើងថ្លៃបន្ថែម គៀបសង្កត់អាជីវករដែលមិនអាចទទួលយកបាន ដូច្នេះអាជីវករស្នើសុំឱ្យសម្តេចតេជោហ៊ុនសែនជួយរកយុត្តិធម៌ឱ្យពួកគាត់ ។
អាជីវករនៅផ្សារឯករាជ២ លើកគ្នាតវ៉ានៅមុខផ្សារនឹះ ដោយម្ចាស់ផ្សារមិនបើកទ្វារអោយលក់ដូរនៅថ្ងៃបុណ្យទានថ្ងៃឈប់សម្រាក និងបានបិទចរន្តអគ្គិសនី នៅបន្ទប់ទឹក ក៏ដូចជា កន្លែងផ្ញើម៉ូតូផងដែរ ។
ហេតុការណ៍នេះកើតឡើងនៅវេលាម៉ោង៨:៥០នាទីព្រឹកថ្ងៃទី២៩ ខែតុលា ឆ្នាំ២០១៨ ស្ថិតនៅមុខផ្សារឯករាជ២ នៅក្នុងសង្កាត់ចោមចៅ៣ ខណ្ឌពោធិ៍សែនជ័យ។
យោងតាមប្រភពព័ត៌មានពីអាជីវករបានឲ្យដឹងថា៖ សព្វថ្ងៃនេះ អាជីវករដែរលក់ដូរនៅក្នុងផ្សារឯករាជ២ មានការលំបាកយ៉ាងខ្លាំង ដោយសារតែម្ចាស់ផ្សារ បានបិទផ្សារមិនអោយលក់ដូរនៅរៀងរាល់ថ្ងៃឈប់សំរាក និងថ្ងៃបុណ្យទានផ្សេងៗ ។ រាល់ថ្ងៃនេះ ពួកគាត់ជាអាជីវករ លក់ដូរដាច់តែថ្ងៃបុណ្យទាន និងថ្ងៃឈប់សម្រាកតែប៉ុណ្ណោះ ហើយបើថ្ងៃឈប់សំរាក និងថ្ងៃបុណ្យទានផ្សេងៗ ខាងម្ចាស់ផ្សារបិទទ្វារ មិនអោយលក់ដូរ ហើយបិទតាំងពីបន្ទប់ទឹក និងចរន្តអគ្គិសនីនៅកន្លែងផ្ញើម៉ូតូផងដែរនោះ ពិសេសថែមទាំងឡើងថ្លៃអនាម័យទៀតនោះ ហេតុដូចច្នេះអាជីវករនៅផ្សារឯករាជ២ ក៏សូមសំណូមពរទៅដល់ម្ចាស់ផ្សារ ក៏ដូចជាអភិបាលខណ្ឌពោធិ៍សែនជ័យ លោកហែម ដារិទ្ធ សូមជួយដោះស្រាយរឿងរ៉ាវនៅផ្សារឯករាជ២ នេះផង ៕ ដោយ ៖ បញ្ញាស័ក្តិ
