ករណីរឿងរ៉ាអាស្រូវផ្លូវភេទរបស់នារីឈ្មោះ Lumi ជាមួយនឹងអតីតមិត្តប្រុសជនជាតិអ៊ីស្រាអែលម្នាក់ ដែលបានបង្ហោះវីដេអូរួមភេទជាមួយនាងដ៏ស្រើបស្រាល បង្ហោះឡើងលើបណ្តាញសង្គម ក្នុងអំឡុងខែឧសភា ឆ្នាំ២០១៨ បានបង្កឲ្យមានការផ្ទុះកំហឹងឡើងយ៉ាងខ្លាំង សំណាក់សាធារណៈជនស្ទើរពាសពេញផ្ទៃប្រទេស ។
ក្រោយកើតមានរឿងរ៉ាវដ៏គួរឲ្យអាម៉ាសនេះឡើង នារីរងគ្រោះដែលត្រូវបានគេស្គាល់ថាជាថៅកែហាងនំខេក ដែលមានឈ្មោះថា Lumi បានព្យាយាមតតាំងនឹងរឿងអាស្រូវមួយនេះ ដោយរិះរកគ្រប់វិធីដើម្បីស្វែងរកយុត្តិធម៌ ក៏ដូចជាក្នុងបំណងចាប់ខ្លួនអតីតមិត្តប្រុសជាជនជាតិអ៊ីស្រាអែលរូបនេះ ឲ្យមកទទួលទោសចំពោះមុខច្បាប់ ។
ទីបំផុត នាងទទួលបានលទ្ធផលដូចបំណង កាលពីវេលាម៉ោង ១៧:៣០ ថ្ងៃទី២៦ តុលា កន្លងទៅថ្មីៗនេះ អតិតមិត្តប្រុសរបស់នាងរូបនេះ ត្រូវបានម្លាំការិយាល័យព្រហ្មទណ្ឌកម្រិតស្រាល ចាប់ឃាត់ខ្លួនទៅតាមដីកាបញ្ជាឱ្យចូលខ្លួនលេខ ២៩១ អ.យ.ឋ ចុះថ្ងៃទី២៥ ខែតុលា ឆ្នាំ២០១៨ របស់លោក សៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ ស្ថិតនៅក្នុងខុនដូមួយកន្លែងក្នុងទីក្រុងភ្នំពេញ ពីបទបរិហាកេរ្ក៍ជាសាធារណះ (តាមប្រពន្ធ័ហ្វេសបុក) ។
ទោះយ៉ាងណា នាងបានបញ្ជាក់ថា រឿងក្តីនេះនៅមិនទាន់ចប់នៅឡើយទេ ដោយអតីតមិត្តប្រុសនេះនៅចង់បន្តក្តីតទៅទៀត… ។ តែយ៉ាងណាក៏ដោយ នាងបានបង្ហោះសារថ្លែងអំណរគុណដល់សមត្ថកិច្ច ដែលជួយជ្រោមជ្រែងរឿងរ៉ាវរបស់នាង នៅលើគណនីហ្វេសប៊ុករបស់នាងឈ្មោះ Nhoem Sokleng ថា៖ «128 ថ្ងៃដែលខ្ងុំបានពុះពារជាមួយរឿងនេះ ព្រោះខ្ងុំចង់អោយយល់ថានារីខ្មែរមានតំលៃ មិនមែនជនជាតិបរទេសមករស់នៅលេីទឹកដីខ្មែរហេីយ មេីលងាយ មេីលថោកស្រីខ្មែរ ចង់ធ្វេីបានតាមអំពេីរចិត្តនោះទេ . សូមអគុណដល់ខាង អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ព្រមទណ្ឌកំរិតធ្ងន់ ដែលបានជួយជ្រុំជ្រែករកយុត្តិធម៍ល់រូបនាងខ្ងុំ គាំទ្រស្នាដៃមួយនេះ សូមជួយ Share ទាំងអស់គ្នា លេីកកំពស់ នឹងតំលៃនារីខ្មែរ ??» ៕ ដោយ៖ ចន្ទី