បុណ្យនិងបាបក្នុងវាលវដ្តសង្សារនៃការកើត ចាស់ ឈឺ ស្លាប់ គឺជាក្រឹតក្រមដែលគ្មានមនុស្សណាចៀសវាងបាន។
ក្នុងពេលដែលពុទ្ធសាសនិក កំពុងអង្គុយស្តាប់ព្រះសង្ឃសម្តែងធម៌នោះ ស្រាប់តែព្រាបមួយក្បាលមិនដឹងហើរមកទីណា បានចុះមកនៅពីមុខរូបព្រះពុទ្ធ ហើយឱនក្បាលគោរពយ៉ាងយូរ ហាក់ដូចជាវាកំពុងបួងសួងអ្វីមួយអ៊ីចឹង។ អ្នកមានវត្តមាននៅទីនោះពិតជាស្រឡាំងកាំង ហើយនឹកគិតថា ព្រាបមួយក្បាលនេះវាយល់ ដឹង ចេះគោរពព្រះ ក៏ដោយសារពីជាតិមុនវាប្រាកដជាធ្លាប់ធ្វើបែបនេះ។ប្រហែលជាបាបកម្មសងមិនទាន់អស់ ទើបវាចាប់ជាតិក្លាយជាសត្វព្រាបក្នុងជាតិនេះ ប៉ុន្តែវាមិនបានបំភ្លេចករណីយកិច្ចដែលវាធ្លាប់បានធ្វើកាលពីជាតិមុនឡើយ។
រឿងមួយទៀតស្រដៀងគ្នានេះដែរ កើតឡើងនៅ ឃុំយ៉ុងជី,ស្រុកវេនចូ ខេត្ត ចឺជាំង ប្រទេសចិន នាអារាមមួយក្នុងភូមិ ខណៈពេលដែលពលរដ្ឋនៅទីនោះកំពុងប្រារព្ធពិធីចូលឆ្នាំប្រពៃណី(២០១៥) ស្រាប់តែហេតុការណ៍ចម្លែកមួយបាន កើតឡើង។
ជ្រូកមួយក្បាលបានបង្ហាញខ្លួននៅច្រកចូលព្រះវិហារ វាបានបន្ទន់ជើងមុខទាំងគូប្រៀបបាននឹងមនុស្សយើងលុតជង្គង់រាប់ម៉ោង ធ្វើឱ្យមានការភ្ញាក់ផ្អើលយ៉ាងខ្លាំង ។សម្លឹងឃើញបែបនេះ ព្រះចៅអធិការវត្តក៏ចេញមកក្រៅ រួចសម្តែងធម៌នៅពីមុខវា។ ក្នុងពេលដែលព្រះចៅអធិការសូត្រធម៌ វាសម្ងំស្ងៀម ហើយពេលដែលព្រះអង្គសូត្រចប់ វាក៏ងើបបែរខ្លួនរត់ចេញទៅក្រៅបាត់ទៅ។
អ្នកមានវត្តមាននៅទីនោះជឿថា ជ្រូកមួយក្បាលនេះពីជាតិមុនធ្លាប់ជាមនុស្សធ្វើទង្វើអាក្រក់ ប៉ុន្តែចុងក្រោយនៃជីវិតរបស់គេ គេបានដឹងខ្លួន ហើយខំប្រឹងប្រតិបត្តិអំពើល្អ។ នៅជាតិនេះទោះកើតមកជាជ្រូកក្តី ប៉ុន្តែនៅចងចាំពីករណីយកិច្ចគោរពបូជាព្រះ បំណងជាតិក្រោយៗទៀតអាចក្លាយជាមនុស្សបាន។
លោក Huang ជាម្ចាស់ជ្រូកទម្ងន់១៥០គីឡូនេះឱ្យដឹងថា ជ្រូករបស់គាត់បានរត់ចេញពីទ្រុងនៅព្រឹកថ្ងៃទី២២ មុនពេលដែលគេត្រៀមសម្លាប់វាយកសាច់លក់ ។យ៉ាងណាក្តី ក្រោយមកវាត្រូវបានគេចាប់យកទៅធ្វើសាច់ ដោយពុំដឹងថាមុននោះវាបានរត់មកវត្តដើម្បីស្តាប់ធម៌សោះ។ម្ចាស់ជ្រូករូបនេះពិតជាស្តាយក្រោយ ព្រោះពុំបានដឹងរឿងរ៉ាវដែលវាមកលុតជង្គង់សុំធម៌ដូច្នេះសោះ។
ហេតុនេះ អ្នកទាំងឡាយគប្បីដឹងថា កើតចាស់ ឈឺ ស្លាប់ ជាក្រឹតក្រមដែលគ្មាននរណាចៀសបាន ទោះល្អ ឬអាក្រក់ មិនអាចគេចរួចបានឡើយ។
ដូច្នេះពេលនៅមានជីវិត អ្នកទាំងឡាយគួរគប្បីដឹងថាខ្លួនត្រូវរស់និងធ្វើបែបណាហើយ៕សូយន