បន្ទាប់ពីស្រង់យកសាកសពជនរងគ្រោះបាន ៦ ពីក្នុងទឹកសមុទ្រ ទីកន្លែងដែលយន្តដឹកអ្នកដំណើរឥណ្ឌូនេស៊ី Boeing 737 MAX 8 របស់ក្រុមហ៊ុនអាកាសចរណ៍ Lion Air បានធ្លាក់នៅជិតទីក្រុង Jakarta កាលពីថ្ងៃចន្ទ នោះក្រុមមន្ត្រីស្រាវជ្រាវ និងសង្រោះបាននិយាយថា ពួកគេមានការបារម្ភថា នឹងគ្មាននរណាម្នាក់នៅលើយន្តហោះនោះនៅរស់រានមានជីវិតនោះទេ ។
ប្រធានប្រតិបត្តិការនៃក្រុមហ៊ុន Basarnas លោក Bambang Suryo Aji បាននិយាយនៅក្នុងសន្និសីទកាសែតថា៖ «តាមការព្យាករណ៍របស់ខ្ញុំ គឺថាគ្មាននរណាម្នាក់បានរួចផុតពីការស្លាប់នោះទេ ព្រោះពួកយើងបានត្រឹមស្រង់បានផ្នែកនៃសាពប៉ុណ្ណោះ ។ វាមានរយៈពេលពីរបីម៉ោងទៅហើយ ចាប់តាំងពីយន្តហោះនេះបានជួបគ្រោះថ្នាក់ ដូច្នេះ វាប្រាកដណាស់ថា មនុស្សទាំងអស់ចំនួន ១៨៩ នាក់ នឹងត្រូវស្លាប់ទាំងអស់ហើយ» ។
ថង់សាកសពចំនួន ២១ ត្រូវបានដឹកទៅកាន់មន្ទីរពេទ្យមួយ នៅភាគខាងកើតនៃទីក្រុង Jakarta សម្រាប់កំណត់អត្តសញ្ញាណ ខណៈក្រុមសង្គ្រោះបានបន្តរុករកនៅក្នុងសមុទ្រ ។ យោងតាមភ្ញាក់ងារស្រាវជ្រាវ និងសង្គ្រោះជាតិឥណ្ឌូនេស៊ី នោះសាកសពចំនួន ៦ ត្រូវបានរកឃើញនៅព្រឹកព្រលឹមថ្ងៃនេះ ហើយត្រូវបានដឹកទៅកាន់មន្ទីរពេទ្យតែមួយ ។
លោក Yohanes Sirait អ្នកនាំពាក្យឲ្យ AirNav Indonesia បានប្រាប់ CNN ថា ជើងហោះហើរ Flight JT-610 នេះបានធ្វើការស្នើសុំមួយ ទៅកានផ្នែកគ្រប់គ្រងចរាចរណ៍ផ្លូវអាកាស ដើម្បីវិលត្រឡប់មកព្រលានវិញ ស្ថិតនៅចម្ងាយប្រហែល ១២ ម៉ៃល៍ ក្រោយហោះហើរ ប៉ុន្តែ ពុំបានបញ្ជាក់ថាមានគ្រោះអាសន្នណាមួយកំពុងកើតឡើងនោះទេ ។
អ្នកនាំពាក្យរូបនេះបានបន្ថែមថា យន្តហោះនឹងត្រូវបានផ្តល់អាទិភាពចុះចត នៅពេលមានការស្នើសុំបែបនេះ ប៉ុន្តែ ក្រុមគ្រប់គ្រងចរាចរណ៍ផ្លូវអាកាស បានបាត់បង់ការទាក់ទងជាមួយយន្តហោះភ្លាមៗបន្ទាប់ពីការស្នើសុំ ។ យន្តហោះពុំបានវិលត្រឡប់មកវិញទេ បើផ្នែកតាមរ៉ាដា ។
នាយករប់សក្រុមហ៊ុនអាកាសចរណ៍ Lion Air លោក Edward Sirait បានប្រាប់សារព័ត៌មានក្នុងស្រុក TV1 នៅក្នុងបទសម្ភាសន៍ថា យន្តហោះនេះបានរាយការណ៍ថាមានបញ្ហាមួយចំនួននៅពេលយប់ មុនពេលហោះហើរពី Denpasar ទៅកាន់ Jakarta ។ លោកបន្តថា ក្រុមវិស្វករបានធ្វើការត្រួតពិនិត្យ និងជួសជុលបញ្ហានេះ និងរាយការណ៍ថា យន្តហោះបានត្រៀមរួចហើយក្នុងការហោះហើរ ។ ប៉ុន្តែ អ្វីៗពុំនឹកស្មានថា វាបានកើតឡើងបែបនេះ ។
សូមបញ្ជាក់ថា យន្តហោះជួបគ្រោះថ្នាក់នេះផ្ទុកមនុស្សទាំងអស់ចំនួន ១៨៩ នាក់ ក្នុងនោះមានមនុស្សវ័យជំទង់ ១៧៨ នាក់, កុមារម្នាក់, ទារក ០២នាក់, ពីឡុត ០២នាក់ និងក្រុមសហសេវិក ០៦នាក់ផ្សេងទៀត ។
ទោះយ៉ាងណា សម្រាប់ពេលនេះ យើងពិតជាមានការស្លុតរន្ធត់ខ្លាំងណាស់ ខណៈដែលផេកមួយឈ្មោះ Dunia Viral Kini
បានបង្ហោះវីដេអូបង្ហាញឲ្យឃើញខណៈពេលអ្នកដំណើរទាំងអស់ដែលមានការព្រួយបារម្ភពីអាយុជីវិតពួកគេ បានស្រែកបន់ស្រន់ឡើងទ្រហឹងគួរឲ្យអាសូរបំផុត ខណៈពេលយន្តហោះកំពុងជួបបញ្ហា មុនពេលវាធ្លាក់ចូលសមុទ្រ ៕ ដោយ៖ ឧត្តម (news.asiantown)
