Ben McAdams ចៅហ្វាយក្រុង Salt Lake ចំណុះរដ្ឋ Utah អាមេរិក បានធ្វើនូវរឿងមួយដែលគ្មានមន្ត្រីណាម្នាក់ហ៊ានធ្វើ ។
តាមនោះ ដើម្បីស្វែងយល់ពីអារម្មណ៍និងតម្រូវការរបស់ជនអនាថា Ben បានក្លែងបន្លំធ្វើជាជនអនាថា តាមដងវិថី ៣ថ្ងៃ ២យប់ ។ គ្រាន់តែរយៈពេលដ៏ខ្លីប៉ុណ្ណឹងសោះ គាត់ពិតជារងនូវការស្លុតអារម្មណ៍ពុំនឹកស្មានដល់ នោះខ្លួនលោកមុននេះ ធ្លាប់ធ្វើជាចៅក្រម ។
លោកយល់ថា គួរធ្វើបែបណា ដើម្បីជួយដល់ជនអនាថាបានប្រសើរបំផុត ។
Ben ប្រាប់ថា “ខ្ញុំមិនបើកចំហកម្មវិធីនេះទេ គឺធ្វើដោយស្ងៀមស្ងាត់ដើម្បីទទួលយកបានពីអារម្មណ៍របស់ជនអនាថា មុនពេលជួយពួកគេមានដំបូលជ្រកមួយ” ។
មុនពេលក្លាយជា “ជនអនាថា” មិត្តភក្តិស្និទ្ធស្នាលប្រាប់លោកឲ្យនាំរឿង ២ គឺ ៖ មិនដោះស្បែកជើង ហើយល្អបំផុតមិនទៅបត់ជើងពេលយប់ ។
លោកពោលពីខណៈវេលានោះថា ៖ យប់ដំបូងពិតជាគ្មានអារម្មណ៍សុវត្ថិភាពសូម្បីបន្តិច ។ សកម្មភាពប្រព្រឹត្តទៅនៅពេលយប់ពិតជាចលាចលណាស់ ហើយលោកដេកបានប្រមាណ ៤ម៉ោងប៉ុណ្ណោះ ។
បន្ទាប់ពីយប់ដំបូង ក្លាយជាជនអនាថា Ben មានមិត្តភក្តិដែលជាជនអនាថា ផ្សេងទៀត ។ គាត់ពិតជាឆ្ងល់ថា ហេតុអ្វី រដ្ឋាភិបាលបានបង្កើតជម្រកមួយដល់ពួកគេ តែពួកគេបែរជាចូលចិត្តដេកនៅចិញ្ចើមផ្លូវជាង? “មិត្តភក្តិ” លោកប្រាប់ថា យកល្អដេកនៅចិញ្ចើមថ្នល់ទៅ ព្រោះនៅទីនោះវាផ្ទុកពេញដោយអំពើហិង្សា ហើយបរិយាកាសពិសពុល ។
យប់ទី ២ មកដល់ Ben សម្រេចចិត្តចូលដេកនៅជម្រករបស់រដ្ឋាភិបាល ។ ពេលនោះទើបដឹងថា អ្វីដែលពួកគេប្រាប់ពិតជាមិនខុសមែន ។ “The Radd Home” សម្រាប់ជនអនាថា ពោរពេញដោយអ្នកជក់គ្រឿងញៀន ហើយជនអនាថាម្នាក់បានឈ្លោះប្រកែក រួចចាប់ក្បាលជនអនាថាម្នាក់ទៀតប្រឹងបោកលើជញ្ជាំង ។
ថ្វីត្បិតតែប្រើរយៈពេលជា “ជនអនាថា” ២យប់ ៣ថ្ងៃ ប៉ុន្តែ Ben អាចយល់បានពីជីវិតរបស់ជនអនាថា ហើយរឿងធំបំផុតនោះ គឺរៀងរាល់ថ្ងៃពួកគេរវល់វក់វីនឹងការរកប្រាក់ដើម្បីរស់ឆ្លងថ្ងៃ ហេតុនេះរឿងដេកតាមផ្លូវជារឿង “ធម្មតា” សំខាន់គឺជីវិតរបស់ពួកគេគ្មានពេលវេលាសម្រាប់ការស្វែងរកកិច្ចការថ្មីមួយចិញ្ចឹមជីវិតឡើយ ។
Ben ពោល ៖ “៣ថ្ងៃ ២យប់ ពុំមែនជាអ្វីនោះទេ តែវាជួយឲ្យខ្ញុំយល់ដឹងការពិតជាក់ស្តែង ។ ខ្ញុំសង្ឃឹមថាអនាគតនេះ ជនអនាថាទាំងឡាយគប្បីដឹងថា ៖ ប្រសិនបើត្រូវដេកតាមផ្លូវនោះចាំថា អ្នកមានការធានា មានជម្រក ហើយមានមិត្តភក្តិស្និទ្ធស្នាល – គ្រាន់តែទូរស័ព្ទមកគឺមានជំនួយហើយ ។
កត្តាចម្បងគឺការកែសម្រួល ដោយប្រើច្បាប់រក្សាបរិយាកាសនៅជម្រកជនអនាថា ទន្ទឹមនឹងការសាងសង់ជម្រកបន្ថែមសម្រាប់រយៈពេលវែង ។
អ្វីៗត្រូវយល់ពីការជាក់ស្តែង ផ្តើមចេញពីនោះ ទើបមានដំណោះស្រាយត្រូវរឿងចំមុខសញ្ញា… ដូចជា Ben ។
បើមន្ត្រីជើង ១០ទេ ចាំទៅអាវ៉ាអើយ!
ចន្ទ្រា