កាលពីពេលថ្មីៗនេះ សកម្មភាពដ៏ពុំសមរម្យរបស់បុរសម្នាក់ដែលមានវ័យខ្ទង់ ៣០ ឆ្នាំ ទៅលើក្មេងស្រីតូចម្នាក់ដែលមានអាយុប្រហែល ៥, ៦ ឆ្នាំ នៅលើរថល្បឿនលឿន១ខ្សែពី Guangdong ឆ្ពោះទៅកាន់ Jiangxi (ចិន) បានបង្កឲ្យមានការរិះគន់យ៉ាងខ្លាំង នៅលើបណ្តាញសង្គម ។
នៅក្នុងវីដេអូកត់ត្រាដោយអ្នកដំណើរម្នាក់ នោះគេជឿថា ពួកគេទាំងពីរគឺជាឪពុកម្តាយ និងកូនស្រី ព្រោះថាក្មេងស្រីតូចនោះបានហៅគាត់ថា «ប៉ាប៉ា» ប៉ុន្តែ អ្វីដែលធ្វើឲ្យអ្នកដំណើរដទៃរន្ធត់ចិត្តនោះ គឺសកម្មភាពដែលគាត់បានប្រព្រឹត្តទៅលើកូនស្រីរបស់គាត់ ហាក់ដូចនាងជាស្រីស្នេហ៍ម្នាក់ដែលគាត់កំពុងត្រេកត្រអាលជាមួយយ៉ាងអន្ទះសារ ។
តាមរយៈវីដេអូ ឪពុករូបនោះបានបង្កការរំខានកូនស្រីស្ទើរគ្មានលោះពេល ដោយគាត់បានចាប់លាត់អាវរបស់នាងឡើង ខណៈគាត់ដាក់ដៃស្ទាបអង្អែលចង្កេះ និងខ្លួនរបស់នាង ។ បន្ទាប់ពីនោះ គាត់បានថើបស្ទើរពេញរាងកាយ, មុខ, មាត់ និងករបស់នាងឡើងញីញក់តែម្តង ខណៈលាត់អាវឡើង ។ ប៉ុន្តែ គាត់នៅពុំបញ្ឈប់សកម្មភាពដ៏មិនសមរម្យនេះទេ ដោយបុរសជាឪពុកដ៏ចម្លែករូបនេះ ក៏បានដាក់ដៃរបស់គាត់ចូលក្នុងខោរបស់នាងជាច្រើនលើកថែមទៀតផង! ។
ក្មេងស្រីតូចនេះ មើលទៅនាងហាក់នៅពុំស្រណុកនោះទេ ហើយនាងក៏បានព្យាយាមយ៉ាងខ្លាំង ដើម្បីរើបម្រាស់ពីដៃលូកលាន់ឥតល្ហែរបស់ឪពុកខ្លួន ។ នៅចំណុចមួយនៃវីដេអូ នាងក៏អាចត្រូវបានលឺស្រែក «តវ៉ា» នឹងឪពុក ព្រោះតែនាងពិបាកទ្រាំពេក នៅពេលគាត់ដាក់ដៃចូលក្នុងខោរបស់នាង ដោយនិយាយថា៖ «ប៉ាប៉ា ឈឺណាស់ កុំប៉ះគូទខ្ញុំទៀតអី» ។
នាងតូចគួរឲ្យអាណិត ក៏ត្រូវបានឃើញព្យាយាមគេចមុខចេញពីការថើបដ៏ញក់ញីរបស់ឪពុករបស់នាងផងដែរ ដោយបានប្រើដៃទាំងពីគ្របមុខ ឬ រុញមុខឪពុកចេញ ប៉ុន្តែ គាត់ពុំអើពើនឹងការស្នើសុំរបស់នាងនោះទេ ។
អ្នកលេងអ៊ីនធើរណែតជាច្រើន បានសម្តែងក្តីរន្ធត់ចិត្តយ៉ាងខ្លាំង នៅពេលបានឃើញវីដេអូនៃសកម្មភាពបង្ហាញភាពស្និទ្ធស្នាលដ៏មិនធម្មតានេះ ។ រីឯអ្នកខ្លះទៀត បានរិះគន់អ្នកដែលបានថតវីដេអូនេះ ពុំជួយអន្តរាគមន៍ ៕ ដោយ៖ ចន្ទី (Worldofbuzz)
