នេះជាហេតុការណ៍គ្រោះថ្នាក់ដ៏សាហាវពុំនឹកស្មានមួយ ដែលបុរសជាកសិករម្នាក់នៅក្នុងប្រទេសថៃ ត្រូវបានគោយន្តរបស់គាត់ វាយប្រហារដោយរុញបញ្ច្រាស់ផ្ទប់ជាប់នឹងដើមឈើ បណ្តាលឲ្យស្លាប់ឈរយ៉ាងអាណោចអាធបំផុត ។
ហេតុការណ៍នេះបានកើតឡើងនៅវាលស្រែមួយកន្លែង នៅក្នុងភូមិ Moo 7 សង្កាត់ Ban Khok Klang ក្នុងស្រុក Tha Wang Pha ប្រទេសថៃ កាលពីវេលាម៉ោង ៣ និង៣០ នាទី ថ្ងៃទី២៧ ខែតុលា ឆ្នាំ២០១៨ ។
តាមការស៊ើបអង្កេតជំហានដំបូង ប៉ូលីសបានសន្និដ្ឋានថា ជនរងគ្រោះឈ្មោះ Boon Chan អាយុ ៥២ ឆ្នាំ អាចប្រហែលជាព្យាយាមបង្ខំគោយន្តរបស់គាត់ ឆ្ពោះទៅកាន់បំពង់ទឹកមួយដែលដាក់ដំឡើងរួចស្រេចនៅមាត់ប្រឡាយ ដើម្បីបូមទឹកដាក់ស្រែ ។ ប៉ុន្តែ មិនដឹងជាយ៉ាងម៉េច ប្រហែលជាគាត់ច្រឡំដាក់លេខថយក្រោយ បណ្តាលវារុញគាត់ផ្ទប់នឹងដើមឈើ បណ្តាលឲ្យថប់ដង្ហើមរហូតស្លាប់ទាំងស្ថានភាពឈរបែបនេះតែម្តង ៕ ដោយ៖ ឧត្តម (ប្រភព៖ social.tvpoolonline)
