មុននេះប៉ុន្មានថ្ងៃ ប្រព័ន្ធព័ត៌មានពុះកញ្ជ្រោលនឹងរឿងស្រីស្អាតស្រាតងូតទឹក ដែលគេនាំគ្នាចោទប្រកាន់ «លាបពណ៌» ថានៅឯ «ឆ្នេរសមុទ្រកំពង់សោម» ប៉ុន្តែ រឿងរ៉ាវនេះ ត្រូវបានអាជ្ញាធរខេត្តធ្វើការបដិសេធ ។
គេហទំព័រ CEN ក៏បានចុះផ្សាយការពិតអំពីរឿងនេះផងដែរថា ហេតុការណ៍ដ៏ពុំសមរម្យនេះ ពុំមែនកើតឡើងនៅក្រុងកំពង់សោមនោះទេ គឺនៅឯទីក្រុង QUY NHON ប្រទេសវៀតណាមឯណោះ ។
វាគឺជារឿងស្រុកគេសោះ តែមិនគួរណាជនអគតិមួយចំនួន បែរជានាំគ្នាប្រើប្រាស់រូបភាពនេះ ដើម្បី «លាបពណ៌» បែបនេះ ដោយពុំបានស្វែងរកប្រភពឲ្យបានច្បាស់ ។
ប៉ុន្តែ កុំថាឡើយខ្មែរយើង សូម្បីតែនៅលើបណ្តាញសង្គមវៀតណាម ក៏ធ្វើការរិះគន់នឹងទង្វើដ៏មិនសមរម្យរបស់ «នារីៗ» ២រូបនេះផងដែរ ។ គេបានរុករកអត្តសញ្ញាណរបស់ពួកគ ហើយចុងក្រោយ ទើបដឹងថា នាងនោះជាម្ចាស់របស់គណនីហ្វេសប៊ុកឈ្មោះ S.C បច្ចុប្បន្ន កំពុងធ្វើការ និងរស់នៅក្រុងហូជីមិញ ។
S.C ត្រូវបានរកឃើញថា ជាមនុស្សប្រុសប្តូរភេទជាមនុស្សស្រី ។
បើទោះបីមានការរិះគន់ខ្លាំងក្លាយ៉ាងណាក៏ដោយ ក៏ «នាង» S.C ពុំខ្ចីខ្វាយខ្វល់ឡើយ និងថែមទាំងនៅបន្ត Livestream យ៉ាងព្រងើយទៀតផង ។
រឿងស្រុកគេសោះ! ឈប់ទៅ! កុំនាំភ្លើងពីស្រុកគេ មកដុតស្រុកឯងអីចឹង ពិសេសលោកតា Ho VANN ៕ ដោយ៖ រចនា